Nytt nyheitsbrev for religionsvitskap

Aller fyrste utgåva av Communitas

Det var fleire alumni frå religionsvitskap som meldte frå om at dei ynskte seg oppdateringar frå fagmiljøet i Bergen. No annonserer fagmiljøet at religionsvitskap har fått eit eige nyheitsbrev for alumni, Communitas, som har ein ambisjon om å kome ut to gongar i semesteret.

I det første nummeret kan ein mellom anna lese som kva som har hendt på religionsvitskap her i Bergen i haust, i tillegg til eit lengre intervju med stipendiaten Knut Aukland og masterstudenten Siri Margrete Kleppe. Kontakt mellom fagmiljø, og då spesielt mellom fagmiljø for religionsvitskap og religionshistorie i Noreg, er ein gjengangar i dette nummeret.

Ein finn òg informasjon om nye publikasjonar og kommande relevante seminar, konferansar og disputasar.

Communitas er skrive av alumna Jane Skjoldli, og neste nummer kjem allereie i desember. Dersom ein ynskjer å halde følgje med fagmiljøet, og samstundes skaffe seg siste nummer av Communitas, kan ein registrere seg på UiB sin alumnusportal og bli med i religionsvitskap si gruppe der.