Millionar til språk og biologi

Bioinformatikk-plattformen Elixir.no,  utvikla ved Institutt for informatikk, får 50 millionar kroner. Språkdatabasen Clarino ved Det humanistiske fakultet og Uni Digital får 25 millionar, skriv På Høyden.

Elixir.no skal sørgja for at forskarar, forvaltning og industri i Europa får tilgang til databasar og kan dra nytte av molekylærbiologiske data frå heile verda, og det er UiB som leier prosjektet.

Universitetet i Bergen skal også ha koordineringsansvar for CLARINO som inkluderer alle aktuelle språkvitskaplige forskingsmiljøa i Noreg. CLARINO er den norske delen av det internasjonale prosjektet CLARIN, ifølgje Forskningsrådet. Prosjektet kal byggja opp ein felles infrastruktur for norske språkdatabasar som på si side skal koplast opp mot europeiske databasar. Infrastrukturen vil få stor tyding for humaniora og gi forskarar tilgong til eit mangfald av språkdatabasar, skriv Forskingsrådet.

I alt får elleve nye infrastrukturprosjekter i Noreg grønt lys av Forskningsrådet til å realisere utstyrsinvesteringer for 400 millioner kroner.