Museumsprosjektet markert i statsbudsjettet

Framlegget til statsbudsjett nemner eksplisitt at Statsbygg planlegg renovering av Universitetsmuseet. Renoveringa er delt i to fasar, slik at sørfløyen kan renoverast før resten av bygningen.  Aulaen skal stå klar til markeringa av grunnlovsjubileet i 2014.

Det er viktig at Universitetsmuseet vert nemnd i statsbudsjettet, meiner rektor ved Universitetet i Bergen, Sigmund Grønmo.

- Dette peikar fram mot det reviderte nasjonalbudsjettet som kjem til våren. Då forventar me startløyvingane til hovudprojektet med aulaen, seier han.

Sørfløyen i Det naturhistoriske museum er planlagt omgjort til ein aula. Rehabiliteringa av Universitetsmuseet skal framheva dei antikvariske kvalitetane i bygget og visa den historiske tydinga og unike vitskapelige og museale rolle bygget speler i Bergen, på Vestlandet og i Norge. Samstundes skal bygget vera ei bru mot ny vitskap og moderne museale uttrykk.