Nye bacheloremne frå og med våren 2010

Den nye ordninga innebere ein overgang til eit fastlagt, integrert studieopplegg beståande av seks obligatoriske 15 -poengs emne. Instituttet ønskjer med dette å gi studentane ein meir einskapleg fagleg kompetanse og større moglegheit til å fordjupe seg i faget. I tillegg kjem det eit nytt innføringsemne på 10 studiepoeng, SANT100 Invitasjon til sosialantropologi.

Dei seks emna som er obligatoriske i den nye graden er:

• SANT102 Sosialt liv i globalt perspektiv
• SANT103 Materialitet: miljø, stad og økonomi
• SANT104 Kultur, meining og kommunikasjon
• SANT105 Maktas uttrykk og løyning
• SANT215 Komparativ regional etnografi
• SANT260 Bacheloroppgåve

For studentane på bachelorprogrammet i utviklingsstudier har instituttet i samarbeid med CMI utvikla eit eige kurs: 10-poengs emnet SANT220 Anthropology, intervention and development. Kurset vil gå kvar vår og omhandle korleis antropologien kan brukast i arbeid med utviklingsproblematikk. Undervisninga på kurset vil gå på engelsk.

Ved anledning vil det også bli tilbydd eit 5-poengs emne som tar utgangspunkt i forskinga som blir gjort av dei vitskapeleg tilsette ved instituttet. Kurset gir både lokale og tilreisande studentar moglegheit til å bli kjende med nyare forsking og metode. Våren 2010 blir tema islam i Søraust-Europa ved førsteamanuensis Tone Bringa.

Frå og med våren 2010 vil det berre bli undervist i desse nye emna. Dei fire emna på 100-nivå vil bli undervist anna kvart semester, mens emna på 200-nivå normalt vil ha undervisning kvar vår.

Spørsmål vedrørande den nye ordninga kan rettast til studierettleiar Hilde Marie Rognås, hilde.rognas@sosantr.uib.no .

Bachelorgraden for studentane som byrjar hausten 2009 kan sjå slik ut:

Graden består av følgjande element:

- 30 sp innføring
- 90 sp spesialisering
- 60 frie studiepoeng