Stipendiatstilling ved Institutt for sosialantropologi
Ved Institutt for sosialantropologi, Det samfunnsvitskaplege fakultet, er det ledig stilling som stipendiat for ein periode på tre år. Stillinga er knytt til prosjektet “The Effects of Violence and Impoverishment on Psychosocial Health Among Pastoralist Communities in Northern Kenya".
Prosjektet inngår i prosjektporteføljen til forskingsgruppa “Poverty Politics”. Prosjektet er eksternfinansiert av Noregs forskingsråd og vert koordinert av Institutt for sosialantropologi med professor Vigdis Broch-Due som prosjektleiar. Prosjektet er del av eit større internasjonalt forskingssamarbeid som vert støtta av National Science Foundation, USA. Stipendet varer i 3 år, involverar feltarbeid i Nord Kenya på tematikk som fell innafor prosjektskildringa, og er lokalisert ved Institutt for sosialantropologi.
Søkarar må ha master-/cand.polit. -grad i eller tilsvarande utdanning i sosialantropologi. Minstekravet for søkarar som har vitnemål med bokstavkarakterar, er normalt B på hovud-/masteroppgåva og for heile hovudfaget/mastergraden. I tillegg må søkarane ha felterfaring frå pastorale samfunn Aust-Afrika. Søkarane må gjere seg kjende med prosjektskildringa ”The Effects of Violence and Impoverishment on Psychosocial Health Among Pastoralist Communities in Northern Kenya" . Dette for å kunne utvikle perspektiv på korleis tematikkane under det aktuelle stipendet skal kunne adresserast innafor ramma av prosjektet.
Nærare opplysningar om stillinga kan ein få ved å vende seg til professor Vigdis Broch-Due, e-post vigdis.broch-due@sosantr.uib.no, eller administrasjonssjef Anne-Kathrin Thomassen, e-post Anne-Kathrin.Thomassen@geog.uib.no, tlf. 55 58 30 89.
Stipendiaten skal gå inn i eit godkjent opplegg for ein PhD -grad innafor ei tidsramme på 3 –tre- år. Kortfatta prosjektskildring (5-8 sider) skal ligge føre saman med søknaden. Prosjektskildringa skal gjere greie for tema, problemstillingar og val av teori og metode. Skildringa skal innehalde framdriftsplan for dei ulike delane av forskingsarbeidet. Ved tilsetjing vil prosjektskildringa vere grunnlaget for opptak til PhD – programmet.
Den som vert tilsett vil bli tatt opp i fakultetet si forskarutdanning. Nærare opplysningar om forskarutdanninga, samt rettleiing for søkjarane til stipendiatstilling kan ein finna på http://www.uib.no/svf/forskning/forskerutdanning-ved-det-samfunnsvitenskapelige-fakultet/opptak-til-forskerutdanningen/stipendiatstillinger-ved-uib. Eventuelle spørsmål om forskarutdanninga kan rettast til rådgjevar Eva Svensson, e-post: eva.svensson@svfa.uib.no eller tlf. 55 58 90 36.
Det vil bli gjort frådrag i tilsetjingsperioden for eventuell tidlegare rekrutteringsperiode.
Undervisningsspråket er til vanleg norsk.
Løn etter lønssteg 45 (Lpl. 17.515, st. kode 1017, LR20.3) ved tilsetjing. Vidare opprykk skjer etter tenesteansiennitet i stillinga (ltr. 45/51).
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.
Universitetet i Bergen nyttar prinsippet om meir offentleg innsyn ved tilsetjing i vitskaplege stillingar.
Den som vert tilsett må rette seg etter dei retningslinene som til kvar tid gjeld for stillinga.
Søknad og CV skal sendast elektronisk via link på denne sida ”Søk på jobben” innan 24. februar 2010.
I tillegg skal:
• Prosjektskildring (4 eksemplar)
• Kopi av vitnemål og attestar (4 eksemplar)
• Vitskaplege arbeid og liste over desse (3 eksemplar)
sendast som ordinær post, sortert i 4 bunker/mapper, til Det samfunnsvitskaplege fakultet, Postboks 7802, 5020 Bergen.
Søknaden må merkast: Sak 10/1292
Søknadsfrist: 24. februar 2010
Søknader som vert sendt på e-post vil ikkje bli vurdert.