Å redda verda på pensum

bachelor student ved BIO

Her ved Bergenskysten er det så mykje meir å sjå på, derfor blir feltkursa meir spennande.

- Pia Dahlen

Utdanning: Bachelorgrad i biologi.

- Eg dykkar på fritida og da eg skulle studera havet, var det lite interessant å gjøre det i Oslo. Her ved Bergenskysten er det så mykje meir å sjå på, vi finner mye meir, og det vi ser er friskare. Derfor blir feltkursa meir spennande også, fortel Pia Dahlen. Ho er på andre året av ei bachelorgrad i biologi.

Engasjerte studentar

Faga tilknytte biologi engasjerer studentane.

- Vi hadde eit fag som mellom anna viste oss korleis sjøfuglbestanden vert øydelagt av overfiske, korleis små fugleungar døyr av svolt fordi foreldra kjem med fisk som har vorte for svær å svelga grunna mangel på ei anna fiskesort igjen, forklarar ho.

- Eg blei sjokkert og skikkeleg irritert. Eg har alltid tenkt at eg ville bli marinbiolog, men no trur eg at eg hellar mot å jobba med forvaltning i staden. Eg sit og blir rasande på TV’en når den viser korleis vi øydelegg jorda vår, eg vil redda verda, seier den engasjerte studenten.

Kryp i skogen

Og ein må ikkje tru at biologistudentane berre sit med nasen nedgrave i bøker. Tvert om; dei er ute og fartar meir enn studentar flest.

- Dei fleste grunnemna har anten laboratorieundervisning eller feltkurs, iallfall. Åh, det er heilt fantastisk i grunn, smilar Pia, og forklarar:

- I Zoologi har vi feltkurs kor vi kryp rundt i skogen- der ble eg forresten kvitt min frykt for insekt. Vi plukkar insekt med pinsett og fisker krabber og tar dei med tilbake til laben og tittar på dei i mikroskop. Ein blir utrolig godt kjent med klassa si på sånne turar, seier ho, og legg til:

-  Førelesaren vår i zoologi fekk forresten prisen for UiBs beste førelesar, etter å ha vore nominert fem år på rad.

Måtte ringe mamma

Pia fortset å nemne døme på praktiske øvingar i faga:

- I marine økosystem reiste vi ut med trål, og drog opp ting frå havbotnen og titta på det. Eg var i ekstase da eg kom heim frå det feltkurset, eg måtte bare ringe mamma og hyle at eg hadde valt perfekt utdanning, fortel ho.

Og døma berre fortset:

- I mikrobiologi fremstiller vi bakteriekulturar som vi dyrkar, i fysiologi spring vi på tredemølle og målar kva som kjem ut og inn munnen, i botanikk teiknar vi plantar og blomar, og i zoologi skjærer vi i rotter og fiskar for å sjå korleis dei ser ut inni, seier ho på utpust.  

Festar og BBC-seriar

Ho er inderleg i målet då vi spør om studentmiljøet på faget hennar.

- Heile Det matematisk-naturvitskapelige fakultet er ”one big happy family”, ler ho.

- Vi har fantastiske festar og arrangerar mange både sosiale og faglege kveldar, mellom anna Blue Planet-kveldar og bedriftsbesøk, fortel biologistudenten.

Pia er ikkje nemneverdig i tvil om at biologi passar for dei fleste.

- Faget passer eigentlig for alle som liker å vite korleis verda fungerer. Liker du verden, liker du biologi, avsluttar ho med eit smil.