Universitetet i Bergen sine hovedsatsings- områder er
marin forskning og utviklings-
forskning

Redaksjon

Utfordringar i kø

– Det må bli betre samsvar mellom retorikk og ressurstildeling. Dei siste 20 åra har me flote på entusiastar i utviklingsforskinga. Eg er redd det ikkje lenger er nok.

The Global Alliance for Vaccines and Immunization (Gavi) er en stor internasjonal fellesorganisasjon som etter initiativ fra blant andre Bill Gates ble etablert for å bidra til innkjøp av eksisterende vaksiner og utvikling av nye globalt viktige vaksiner.

Professor Rune Nilsen er optimist når det gjeld å få auka løyvingar til utviklingsrelatert forsking og utdanning.

Det seier Rune Nilsen, professor ved Senter for internasjonal helse ved UiB og leiar for styret i Nufu (Nasjonal utval for utviklingsrelatert forsking og utdanning).

– Ein peikepinn om potensialet for utviklingsforskinga i Noreg no, er at det er kome inn prosjektsøknader til neste periode i Nufu-programmet for nær ein milliard kroner. Me har 250 millionar kroner å dela ut.

– Kva er dei største utfordringane for UiB på dette feltet?

– Utfordringa er å halda fram med det UiB har gjort til no; at alle delar av universitetet har globale perspektiv, og at det ikkje berre er den rike verda me har forskings- og utdanningansvar for.

– Er du optimist eller pessimist når det gjeld dette?

– Eg er optimist. Eg trur på større legitimitet og større løyvingar. Grunnen er mellom anna Utanriksdepartementet sin nye strategi. I den ligg ei ny forståing for at det er avgjerande at universiteta er til stades i utviklingslanda, seier Nilsen.

Han legg til at Norad no også erkjenner at universiteta spelar sentrale roller – og i seinare tid har også Kyrkje-, utdannings- og forskingsdepartementet sagt at globale perspektiv er viktige for norsk forsking og utdanning.

– For oss er det viktig å ha globale perspektiv på den ordinære verksemda ved universitet og høgskular. Likeverdig partnerskap mellom institusjonar i nord og sør er eit element i dette, understrekar Rune Nilsen.

Sidan oppstarten i 1991 er det løyvt 475 millionar kroner til oppbygging av forsking og forskingskompetanse gjennom Nufu. UiB har i dei to føregåande periodane brukt 74 og 87 millionar kroner til Nufu-støtta samarbeidsprosjekt.

I perioden frå 1996-2000 deltok UiB i heile 27 av i alt 99 Nufu-program. Helse og medisin har vore det største fagområdet, men også andre fagområde som naturfag, pedagogikk og samfunnsfag har vore aktive.

Til neste periode som startar i 2002 har det kome inn over 40 søknader frå UiB, og fleire enn 10 berre til Uganda.