Universitetet i Bergen sine hovedsatsings- områder er
marin forskning og utviklings-
forskning

Redaksjon

Flink i fysikk, men…

Michael Calder er 19 år og svært flink i fysikk. Trass i talentet trur ikkje Calder at han vil ha ei forskarkarriere.

Michael Calder frå Stavanger vann førsteprisen i den norske konkurransen for unge forskarar mellom 15 - 21 år med ei oppgåve i fysikk.

Michael Calder deltek i den internasjonale konkurransen for unge forskararar med ei oppgåve om hulromsresonans. Dette er lyden ein får til dømes ved å blåsa i tuten på flasker.

– Mange trur at berre fysikk blir veldig tørt, sjølv om Fysikkens dag var ganske interessant. Trenden er at ingen vågar å ta rein fysikk, seier Michael Calder. I tillegg til fysikk er han også svært interessert i data og matematikk.

– Eg har høyrt veldig lite om universitetet. Truleg kjem eg til å ta ei lang utdanning og eg tenkjer på sivilingeniørstudiet. Eg vil nok ha med fysikk i utdanninga mi, men eg er redd for å satsa kun på det. Når ein skal velja studium, ser ein mykje etter løn for å betala ned studiegjeld, seier Calder som stadfestar at ungdom er opptekne av karriere og status. Mange i klassen hans har planar om å studera ved NTNU. Calder vil gjerne studera i utlandet, men har ikkje heilt bestemt retninga.

– Eg vil gjerne ha opplevingar medan eg studerer. Det er også ein av grunnane til at eg valde å gå på International Baccalaureate. I konkurransen i Bergen deltek Calder med hovudoppgåva han skreiv på IB-linja på St. Olav vidaregående skule i Stavanger.

– Vi kunne velja heilt fritt kva fag vi skulle skriva oppgåva i. Interessa for fysikk i klassen var stor og mange valde difor dette faget. Det skuldast ikkje minst at læraren vår var svært engasjert i fysikk og brukte fritida si på å læra bort faget, seier Calder. Han meiner lærarane har eit ganske stort ansvar når dei lærer frå seg fysikk.

– Dei må gjera det på ein slik måte at elevane blir interesserte. Mange trur det er altfor mykje matte i fysikk, seier Michael Calder som sjølv gjerne vil kombinera desse. Kven som får han som student, er enno ikkje bestemt, for først skal 19-åringen gjera unna militæret.