Når Universitetet i Bergen og Havforskingsinstituttet om få månader får nye G.O. Sars i drift kjem mykje av forskinga som er avhengig av forskingsfartøy til å få eit løft. Storleiken på skipet og den tekniske utrustninga gjer at ein kan få gjort undersøkingar av havbotn, klima og livet i havet kvalitativt betre enn før. Men forskarane vil også nå nye, uoppdaga område – til dømes på større djup enn tidlegare forskingsfartøy har vore i stand til.

I denne utgåva av UiB-magasinet får du mellom anna bli med eit av dei eksisterande forskingsfartøya, Håkon Mosby, ut på tokt i nærområdet. Ein liten smakebit på livet om bord. Men me sjøset også saker frå mange andre forskingsfelt. Alt frå internasjonale miljøavtaler, flytteforsking og KFOR-soldatar til psykiatrihistorie og tilbakefallsproblem for alkoholikarar. God tur!

Les mer her.