Erfaring, kunnskap og profesjon

Fakta om studiet

EmnekodeAHS202-F
Studiepoeng15
UndervisingssemesterVår
Antall semester1
Undervisingsspråk
Norsk
Ressursar
TilhørerInstitutt for arkeologi, historie, kultur- og religionsvitenskap

Kontakt

Kontaktinformasjon

Senter for etter- og vidareutdanning post@sevu.uib.no

Mål og innhald

Emnet er eit vidareutdanningstilbod som rettar seg mot arbeidstakarar med brei arbeidslivs- og organisasjonserfaring. Emnet skal føre studenten frem til ein betre innsikt og forståing for eiga læring og ulike læringsformer dei har nytta under utdanning og i arbeidslivet. Emnet legg særskild vekt på å styrke studentane sine kunnskapar om ei akademisk læreform som nyttar tekst- og dokumentanalyse og betre deira kompetanse i akademisk skriving.

Instituttet kan tilby undervising i ulike tema, avhengig av etterspurnad og undervisningskreftene som er tilgjengelege.

Emnet kan inngå i ei spesialisering i historie.

Læringsutbyte/resultat

Kunnskapar:

Emnet skal gje studenten auka innsikt i og forståing for eiga læring og gode kunnskapar om tekst- og dokumentanalyse.

Ferdigheiter:

Studenten skal vise evne til å reflektere over eigen læring og demonstrere ferdigheiter i å nytte tekst- og dokumentanalyse i ei akademisk skriveform.

Generell kompetanse:

Studenten skal vise evne til å argumentere og dokumentere akademisk. Gjennom å få og gi skriftlege tilbakemeldingar til medstudentar skal studenten demonstrere kompetanse i fagleg kommunikasjon.

Undervisningssemester

Emnet blir tilbydd i høve til etterspurnad og tilgang til undervisningsressursar.

Studienivå

Bachelor

Institutt

Institutt for arkeologi, historie, kultur- og religionsvitskap

Krav til studierett

Emnet er eit eksternt finansiert tilbod til vidareutdanningsstudentar. Opptaket organiserast av Senter for etter- og vidareutdanning (SEVU). Opptaksgrunnlaget er generell studiekompetanse eller tilsvarande. Relevant erfaring blir vektlagt, og det vert føresett at studenten har gått gjennom opplæringstilbod på eigen arbeidsplass og i organisasjonane tilhøyrande bransjen eller sektoren.

Krav til forkunnskapar

Ingen

Tilrådde forkunnskapar

Ingen

Fagleg overlapp

Ingen

Undervisning og omfang

Undervisinga skjer i form av førelesingar og arbeidsseminar/gruppearbeid, som er organisert i ei studiesamling over 4 dagar, og oppgåveseminar på internett der seminararbeidet (ei oppgåve og kommentarar) utgjer grunnlaget for karakterfastsettinga. Oppgåva er eit prosjekt som skal trene studenten i å nytte både eigen erfaringar og tekst- og dokumentanalyse i oppbygginga av ein akademisk tekst. I seminaret vil studenten få kommentar frå medstudentar og lærar på utkast til oppgåva.

Obligatoriske arbeidskrav

Studenten må delta i seminararbeid. Arbeidet omfattar innlevering av ei skriftleg oppgåve og kommentering av oppgåver frå medstudentar.

Obligatoriske krav er gyldige i to semester etter det undervisningssemestret dei vart godkjende.

Vurderingsformer

Studenten skal skrive ei oppgåve som skal vurderast. Studenten får student- og lærarkommentarar og har høve til å levere inn ei revidert versjon av oppgåva.

Oppgåva skal være på om lag 3000 ord og ha tilvisingar til kjelder og litteratur og ei liste over den litteraturen som er nytta. Studenten skal gje skriftlege kommentarar til dei andre studentane sine oppgåver, og i vurderinga blir det lagt vekt på konstruktiv kritikk og faglig gode og sjølvstendige kommentarar. Både oppgåvene og dei skriftlege kommentarane tel med når endeleg karakter skal fastsetjast.

Karakterskala

Det vert nytta gradert karakterskala frå A til F, der F er stryk.

Læremiddelomtale

Pensum har eit omfang på om lag 900 sider. Pensum skal dekke relevante læringsteoriar og læringstradisjonar og gje ei innføring i tekst- og dokumentanalyse samt akademisk skriving. I pensum inngår dessutan tekstar knytt til dei særskilde opplæringstilboda samt lov- og avtaletekstar. Desse kan utgjere om lag 1/3 av pensum.

Undervisningsstad

Etter avtale med SEVU og/eller oppdragsgivar.

Emneevaluering

Emnet vert evaluert jamleg.