Standard skriftleg arabisk, vidareføring

Undervisningsspråk

Norsk

Krav til forkunnskapar

Ingen

Læringsutbyte

Kurset styrkjer primært kompetansen i moderne standardarabisk, men tekstpensumet omfattar òg einskilde klassiske tekstar. Etter fullført kurs skal studentane kunne lesa, omsetja og gi grammatiske analysar av arabiske tekstar av moderat vanskegrad, hjelpt av ulike oppslagsverk og ordbøker som ikkje er ordna alfabetisk. Dei skal òg kunne omsetja einskilde setningar eller tekstar til arabisk.

Kontaktinformasjon

studieveileder@if.uib.no

Undervisningssemester

Haust

Undervisningsspråk

Norsk

Studienivå

Bachelor

Krav til studierett

Emnet er ope for alle med ein studierett ved UiB.

Mål og innhald

ARA103 er eit vidaregåande kurs i skriftleg arabisk som tek sikte på å gi studentane ein avgjerande auke i ordforråd og å betra den lese- og skrivedugleiken som dei har skaffa seg i ARA101. Emnet er ein obligatorisk del av spesialiseringa i arabisk.

Læringsutbyte/resultat

Kurset styrkjer primært kompetansen i moderne standardarabisk, men tekstpensumet omfattar òg einskilde klassiske tekstar. Etter fullført kurs skal studentane kunne lesa, omsetja og gi grammatiske analysar av arabiske tekstar av moderat vanskegrad, hjelpt av ulike oppslagsverk og ordbøker som ikkje er ordna alfabetisk. Dei skal òg kunne omsetja einskilde setningar eller tekstar til arabisk.

Krav til forkunnskapar

Ingen

Tilrådde forkunnskapar

ARA101 eller tilsvarande. For å kunne gjennomføra dette emnet må ein ha gode lesekunnskapar i engelsk og god skriftleg dugleik i norsk. Det blir tilrådd at studentar som ikkje har tatt ARA101 gjer seg kjende med terminologien og omgrepsapparatet som blir nytta i undervisninga.

Undervisning og omfang

Undervisninga er delt i to komponentar. Komponent 1 inneheld førelesingar med omsetjing og tekstgjennomgang av klassiske og moderne tekstar (om lag fire timar i veka i 14 veker). Komponent 2 består av førelesingar med skriftlege øvingar i omsetjing frå norsk eller engelsk til arabisk og andre grammatiske oppgåver (om lag to timar i veka i 14 veker). Komponent 1 blir vekta med om lag 70% og komponent 2 med om lag 30%.

Obligatoriske arbeidskrav

Det blir kravd at studentane har 75% oppmøte til undervisninga for å få vurdering i emnet.

Vurderingsformer

Vurderingsforma er todelt og er samansett av:

1. Ei skriftleg prøve på seks timar som omfattar a) tekstutdrag frå tekstpensumet og ein ukjend tekst som skal omsetjast til norsk eller engelsk, dessutan ein del grammatiske spørsmål og fullstendig vokalisering eller transkripsjon av nokre oppgitte liner, b) omsetjing frå norsk eller engelsk til arabisk, samt andre grammatiske oppgåver. Tillate hjelpemiddel: Éi ordbok som vert delt ut på eksamensdagen. Ordboka er den same som vert brukt i undervisninga. Del (a) tel 70% og del (b) tel 30%. Grammatikkdelen må være greidd for at eksamen skal være greidd.

2. Ei munnleg prøve (om lag 30 minutt) som inneheld opplesing og omsetjing av ein stutt tekst frå pensum (anten med full vokalisering eller i samsvar med reglane for utelating av kortvokalar ved pause), samt svar på språklege spørsmål i samband med teksten. Den munnlege prøven justerer den skriftlege karakteren, og maksimal endring er éin bokstav.

Karakterskala

Ved sensur av emnet nyttast karakterskalaen A-F, der F er stryk.

Læremiddelomtale

Eit pensum på kring 25 sider moderne og klassiske tekstar. Tilrådde ordbøker og oppslagsverk.

Undervisningssted

Bergen

Emneevaluering

Undervisninga blir evaluert i tråd med UiB sitt kvalitetssikringssystem.

Kontaktinformasjon

studieveileder@if.uib.no