Italienskdidaktikk 2

Undervisningsspråk

Norsk og italiensk

Krav til forkunnskapar

Italienskdidaktikk 1 (DIDAITAL1), Pedagogikk første semester (PEDA1) samt bestått praksis frå første semester med praktisk-pedagogisk utdanning.

Læringsutbyte

Gjennom studiet skal studentane utvikle innsikt i italienskfagets kultur- og danningspotensial og kunne gjere greie for faget si utforming og legitimering i fortid og notid. Dei skal sette seg inn i teoriar om tekst, kommunikasjon og språklæring og kunne sjå desse i høve til arbeidet med å fremje alle elevar si læring i italiensk. Studentane skal kunne vurdere italienskundervisninga ut frå krava i nasjonal læreplan og elevane sine læringsmåtar. Studentane skal utvikle evna til å planleggje og sette i verk læringssituasjonar som legg til rette for den enkelte elev si språklæring på ein formålstenleg måte og ut frå dei mål som er nedfelte i læreplanen. Dei skal utvikle evna til å støtte elevane i deira arbeid med å lære italiensk og lære å lære. Studentane skal kunne vurdere elevane si læring i italiensk både med omsyn til prosess og sluttkompetanse.

Kontaktinformasjon

studieveileder@if.uib.no

Undervisningssemester

Haust og vår

Undervisningsspråk

Norsk og italiensk

Studienivå

Praktisk pedagogisk utdanning

Institutt

Institutt for framandspråk

Krav til studierett

Opptak til PPU

Mål og innhald

Fagdidaktikk i italiensk inngår som ein del av italiensklærarutdanninga på universitetet.

Sentralt i emnet er spørsmål knytt til korleis ein som italiensklærar kan leggje til rette for alle elevar si italiensklæring. Eit grunnleggjande spørsmål er kva det vil seie å kunne italiensk i dagens samfunn. Spesielt viktig er det å utvikle innsikt i læring i italiensk som mangfaldige og individuelle prosessar.

Studiet er organisert slik at noko av undervisninga er tilbod på tvers av språkfaga. Slik vil ein vise fram ein kunnskapsteoretisk samanheng for alle språkfaga og tydeleggjere felles danningsmålsetjingar for språkfaga i skolen.

Studiet består av fire målområde:
- Fagets eigenart og utvikling
- Teoriar om tekst, kommunikasjon og språklæring
- Det å leggje til rette for italiensklæring og utvikling av elevane si innsikt i eiga læring
- Lærarstøtte og vurdering

Læringsutbyte/resultat

Gjennom studiet skal studentane utvikle innsikt i italienskfagets kultur- og danningspotensial og kunne gjere greie for faget si utforming og legitimering i fortid og notid. Dei skal sette seg inn i teoriar om tekst, kommunikasjon og språklæring og kunne sjå desse i høve til arbeidet med å fremje alle elevar si læring i italiensk. Studentane skal kunne vurdere italienskundervisninga ut frå krava i nasjonal læreplan og elevane sine læringsmåtar. Studentane skal utvikle evna til å planleggje og sette i verk læringssituasjonar som legg til rette for den enkelte elev si språklæring på ein formålstenleg måte og ut frå dei mål som er nedfelte i læreplanen. Dei skal utvikle evna til å støtte elevane i deira arbeid med å lære italiensk og lære å lære. Studentane skal kunne vurdere elevane si læring i italiensk både med omsyn til prosess og sluttkompetanse.

Krav til forkunnskapar

Italienskdidaktikk 1 (DIDAITAL1), Pedagogikk første semester (PEDA1) samt bestått praksis frå første semester med praktisk-pedagogisk utdanning.

Undervisning og omfang

Fagdidaktikken skal relaterast både til praksis i skolen og til fagstudiet.

Undervisninga blir organisert som førelesingar, seminar og verkstadsorientert arbeid. IKT vert tatt i bruk for å skape nye arenaer for samarbeid og utveksling av tekster. Det vert stilt krav til studentane om dokumentasjon av og / eller framlegging av eigne arbeid.

Studentane får tilbakemelding frå medstudentar og rettleiing frå lærarar på arbeida sine.

Forelesing 18 timar

Seminar 6 timar

Totalt 24 timar

Praksis inntil 5 dagar pr veke/ inntil 7 veker, totalt 60 timar

Obligatoriske arbeidskrav

For å kunne gå opp til eksamen i italiensk fagdidaktikk må studentane ha gjennomført minst 2 obligatoriske aktivitetar innan fastsette tidspunkt. Konkretisering av obligatoriske aktivitetar vil gå fram av semesterplanar.

Vurderingsformer

Eksamensforma er ei rettleia prosjektoppgåve eller ein munnleg eksamen, begge med utgangspunkt i digital prosessmappe.

Prosjektoppgåva skal ha eit omfang på ca 5000 ord, vedlegg ikkje medrekna. Den munnlege eksamen varer i ca 30 minutt.

Karakterskala

Det vert nytta karakterskala gradert frå A til F, der F er stryk.

Læremiddelomtale

Pensum tilsvarer ca. 375 sider av normal vanskegrad knytt til fagets læringsmål. Av desse eit utval sider sams for alle språkfaga. Studentane vel eit visst tal sider knytt til spesialiseringa i samråd med faglærar.

Undervisningsstad

Bergen

Emneevaluering

Studentane skal evaluere undervisninga i tråd med UiB sitt kvalitetssikringssystem.

Kontaktinformasjon

studieveileder@if.uib.no