Examen philosophicum - seminarmodell

Lågaregradsemne

Emnebeskrivelse

Mål og innhald

Examen philosophicum inngår i det integrerte masterstudiet i rettsvitskap. Emnet skal gi studentane filosofiske perspektiv på juridisk verksemd og fagkompetanse som gjer dei i stand til å nytte denne på ein kritisk og analytisk måte i rettsdogmatiske og rettspolitiske samanhengar. Emnet gir ei innføring i rettsfilosofi og andre filosofiske tema med særleg relevans for rettsvitskapen. I tillegg gir emnet ei innføring i språk- og argumentasjonsteori, med sikte på å fremje juridiske ideal om presisjon og stringens.

Læringsutbyte

Kunnskapar

Ved fullført emne har studenten kjennskap til utvalde filosofiske emne som har relevans for rettsvitskapen, til dømes rettsfilosofi, etikk og politisk filosofi. I tillegg har studenten kjennskap til sentrale omgrep i språk- og argumentasjonsteori med relevans for rettsvitskapen, til dømes skiljet mellom fleirtydige uttrykk og vage tydingar, skiljet mellom deskriptive og normative tydingar og skiljet mellom haldbarheit og relevans av argument.

Dugleikar og kompetanse

Studenten meistrar

- å bruke filosofiske omgrep i analytiske og prinsipielle drøftingar av problemstillingar i jussen

- å drøfte etiske og rettspolitiske problemstillingar ved å anvende teoriar frå moralfilosofien og politisk filosofi

- å drøfte kva som kjenneteiknar gjeldande rett ut frå ulike rettsfilosofiske posisjonar

- å tolke juridisk ordlyd mellom anna med sikte på å avdekke fleirtydigheit

- å lage og vurdere definisjonar av språklege uttrykk

- å argumentere for eit normativt eller deskriptivt standpunkt og å vurdere dei einskilde argumenta i slik argumentasjon

- å gjere det ovannemnte i munnleg samtale så vel som i skriftleg framstilling

Studiepoeng, omfang

10

Studienivå (studiesyklus)

.

Undervisningssemester

Vår

Undervisningsstad

Bergen
Krav til forkunnskapar
Studentane må ha gjennomført dei tre første semestra ved masterstudiet i rettvitskap, eller tilsvarande.
Studiepoengsreduksjon
Alle emna med ein emnekode som begynner med EXPHIL- er fakultetsvariantar av det same emnet. Det er derfor full fagleg overlapp mellom desse emnekodane, slik at ein berre kan få utteljing i studiepoeng for eitt av dei, og talet på vurderingsforsøk blir telte på tvers av fakultetsvariantane, jf. Forskrift om opptak, studiar, vurdering og grader ved Universitetet i Bergen, § 6.8.
Krav til studierett
Emnet er ope for studentar ved masterstudiet i rettsvitskap ved Universitetet i Bergen.
Arbeids- og undervisningsformer
Undervisninga har form av førelesingar, fellesrettleiingar, seminarsamlingar, læringspakkar og individuell rettleiing. Seminara har oppmøtekrav.
Undervisningsformer og omfang av organisert undervisning
Undervisninga har form av førelesingar og seminarsamlingar.
Obligatorisk undervisningsaktivitet

Studenten skal

- ta del i minst 75% av seminarsamlingane

- gi ein munnleg presentasjon i seminaret

- levere eit utkast til seminaroppgåve

- møte til ei individuell rettleiing om seminaroppgåva

- gjere minst 75 % av læringspakkane

- greie ein breddetest med spørsmål frå alle delar av pensum

Godkjenninga er gyldig i semesteret for godkjenning og til og med det neste vårsemesteret, med unntak av at individuell rettleiing om seminaroppgåva må skje i det semesteret ein tek eksamen.

Vurderingsformer

Studenten skal skrive ei seminaroppgåve undervegs i kurset.

Dei obligatoriske arbeidskrava må vere godkjende før ein kan få oppgåvene vurdert.

Karakterskala
I vurderinga på emnet nyttar ein karakterskalaen A-F.
Vurderingssemester
Vår
Litteraturliste
Examen philosophicum har spesialtilpassa pensum for kvar fakultetsvariant. Studenten skal også setje seg inn i tilleggslitteratur knytt til seminaroppgåva studenten arbeider med.
Emneevaluering
Evaluering av ex.phil. vert gjort med jamne mellomrom.
Programansvarleg
Utval for Examen philosophicum
Administrativt ansvarleg
Institutt for filosofi og førstesemesterstudium