Gresk elementærkurs

Undervisningsspråk

Norsk

Krav til forkunnskapar

Ingen.

Læringsutbyte

Studiet vil gi studentane dei basiskunnskapane som trengst for å kunne samanlikne omsetjing med originaltekst under studiet av litteratur eller historiske kjeldeskrifter, å kunne nytte hjelpemiddel (t.d. filosofiske eller teologiske ordbøker) som tek utgangspunkt i greske omgrep, eller å kunne nyte godt av faglitteratur i historie, religion, filosofi, litteratur, kunst osv. som nyttar gresk terminologi og siterer på originalspråket.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no

Undervisningssemester

Undervisninga blir gitt i første halvdel av vårsemesteret (på heiltid)

Undervisningsspråk

Norsk

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Mål og innhald

Emnet gir dei grunnleggande kunnskapane i gammalgresk, med hovudvekt på attisk dialekt i den klassiske perioden. Det blir særleg lagt vekt på at studentane meistrar elementa i formlære og på det sentrale ordtilfanget. Også historisk lydlære, ordlaging og syntaks inngår i studiet. Dessutan blir det gitt ei første innføring i gresk historie og kulturhistorie, med særleg vekt på den klassiske perioden.

Læringsutbyte/resultat

Studiet vil gi studentane dei basiskunnskapane som trengst for å kunne samanlikne omsetjing med originaltekst under studiet av litteratur eller historiske kjeldeskrifter, å kunne nytte hjelpemiddel (t.d. filosofiske eller teologiske ordbøker) som tek utgangspunkt i greske omgrep, eller å kunne nyte godt av faglitteratur i historie, religion, filosofi, litteratur, kunst osv. som nyttar gresk terminologi og siterer på originalspråket.

Krav til forkunnskapar

Ingen.

Tilrådde forkunnskapar

Engelsk frå vidaregåande skule.

Undervisning og omfang

Undervisninga blir gitt i form av førelesingar (over elementarboka) og øvingar i praktisk språkmeistring.

Om lag 48 timar, 3 gonger i veka første halvdel av semesteret.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Studentane må bestå ei innleveringsoppgåve. I tillegg er det obligatorisk frammøte på førelesingane (minimum 75%).

Vurderingsformer

Eksamen består av fire prøver/innleveringsoppgåver som blir gjennomførte i samband med undervisninga. Oppgåvene femner om omsetjing, formøvingar og grunnleggjande grammatikk.

I semester utan undervisning blir eksamensoppgåvene gitt som ein samla skuleeksamen på 4 timar.

Karakterskala

Den første oppgåva har karakter bestått/ ikkje bestått, mens det blir gitt ein samla karakter på dei tre andre oppgåvene. Den samla karakteren blir gitt etter skalaen A-F.

Læremiddelomtale

Pensum er ei elementarbok i gresk. I denne inngår gresk prosatekst, hovuddraga av den attiske grammatikken og ordlagingslæra. I pensum inngår dessutan ei framstelling av den greske historia og kulturhistoria.

Undervisningssted

Bergen.

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no