Gresk prosa og grammatikk

Lågaregradsemne

Emnebeskrivelse

Mål og innhald

Gjennom lesing av eit utval lettare originaltekstar (t.d. Lysias, Xenofon, Platon, Menander, Khariton, Dion Khrysostomos og Det nye testamente) gir emnet sikrare kunnskapar i gammalgresk. Sikker meistring av elementa i formlæra og av det sentrale ordtilfanget er framleis det sentrale, men også syntaksen blir stadig meir systematisk dregen inn i studiet.

Læringsutbyte

Kunnskapar

Kandidaten har økt kjennskap til gresk språk og grammatikk.

Ferdigheiter

Kandidaten kan

  • lese greske tekstar på eiga hand med bruk av ordbok
  • identifisere former og analysere setningar på gresk ved hjelp av grammatikk.
  • omsetje enkle engelske eller norske setningar til gresk.

Generell kompetanse

Kandidaten kan

  • setje seg inn i den grammatiske strukturen i eit nytt språk
  • arbeide med tekstar på andre språk ved hjelp av grammatikk, ordbok, tekstkommentar o.l.

Studiepoeng, omfang

15

Studienivå (studiesyklus)

Bachelor

Undervisningssemester

Undervisninga blir gitt i andre halvdel av vårsemesteret (på heiltid)

Undervisningsstad

Bergen
Krav til forkunnskapar
Ingen.
Tilrådde forkunnskapar

Ein rår til at studentane har avlagt eksamen i GRE101 eller har eit tilsvarande kunnskapsnivå.

Studiepoengsreduksjon
Ingen
Krav til studierett
Emnet er ope for alle med studierett ved Universitetet i Bergen.
Arbeids- og undervisningsformer

Undervisninga blir gitt i form av førelesingar (over delar av pensumtekstane) og øvingar (i praktisk språkmeistring, m.a. gjennom omsetjing til gresk, og i bruk av ordbok).

Omlag 42 timar, tre gonger i veka siste halvdel i semesteret.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mitt UiB. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatorisk undervisningsaktivitet
Ingen.
Vurderingsformer

Eksamen består av ei skriftleg prøve på seks timar, der kandidaten skal omsetje ein pensumtekst frå gresk med ordbok, svare på grammatiske spørsmål og omsetje enkle setningar frå norsk til gresk.

Eksamensoppgåva vil bli gitt på undervisningsspråket i emnet.

Eksamenssvaret kan leverast på norsk, svensk, dansk eller engelsk.

Karakterskala

Karakterskala A-F.

Vurderingssemester
Vår. Det er òg moglegheit for vurdering tidleg hausten 2023. Frå og med våren 2024 vert eksamen berre tilbydd i undervisningssemesteret. For studentar med rett til ny vurdering vil det vere mogleg å ta ny eksamen i påfølgjande semester.
Litteraturliste
Pensum er på til saman omlag 40 sider greske originaltekstar frå ein tekstantologi med kommentar (eller frå tilsvarande utgåver). Dessutan inngår hovuddraga av attisk formlære og syntaks, samt delar av ei framstelling av den greske litteraturhistoria.
Emneevaluering
Evaluering blir gjennomført i tråd med Universitetet i Bergen sitt kvalitetssikringssystem.
Hjelpemiddel til eksamen
Ordbok. Ordboka skal vere frå latin til morsmål eller frå latin til anna valfritt språk og skal ikkje innehalde bøyingsmønster: Johanssen, Nygaard etc., Latinsk ordbok eller ordbok av tilsvarande storleik.
Programansvarleg
Programstyret for klassisk
Emneansvarleg
Fagmiljøet i klassiske fag
Administrativt ansvarleg
Institutt for lingvistiske, litterære og estetiske studium