Mastergradsoppgåve i kulturvitskap

Undervisningssemester

I andre semester av mastergradsstudiet skal det oppnemnast fast rettleiar for studenten.

Læringsmål

Føremålet med masteroppgåva er: 1) Å gje studentane erfaring med sjølvstendig vitskapleg arbeid, og 2) å få fram ny kunnskap med fagleg og samfunnsmessig relevans.

Fagleg innhald

Masteroppgåva er eit skriftleg arbeid som byggjer på eit sjølvstendig studium av eit forskingsmateriale. Emnet for oppgåva skal veljast i samråd med rettleiar.

Masteroppgåva byggjer på KUVI302: Prosjektskildring.

Tilrådde forkunnskapar

Fullført KUVI 301 og KUVI302.

Undervisningsmetodar

I første semester av masterstudiet får studenten tildelt ein mellombels rettleiar. Studenten får tildelt fast rettleiar når emnet KUVI302 Prosjektskildring er bestått. Til arbeidet med masteroppgåva er det knytt individuell rettleiing. Student og rettleiar skriv under på ei rettleiingskontrakt som klargjer rettar og plikter for begge partar. Omfanget av oppgåva skal vere på 70-110 sider.

Evaluering

Emnet vert evaluert jamleg.

Vurdering / eksamensformer

Eksamen er ei endeleg fagleg vurdering av masteroppgåva. Etter at karakteren for oppgåva er fastsett, framstiller studenten seg for ein munnleg eksamen. Her vert studenten eksaminert i sjølve masteroppgåva. Den munnlege eksamenen kan justere karakteren på oppgåva med inntil ein karakter. Det vert nytta bokstavkarakterar. Bandmateriale og utskrifter som fylgjer med oppgåva, skal leverast saman med oppgåva.