Introduksjon til kjønnsforsking

Undervisningsspråk

Norsk

Krav til forkunnskapar

Ingen

Læringsutbyte

Studenten skal opparbeide innsikt i den historiske utviklinga av kjønnsforskingsfeltet, ei generell oversikt over sentrale problemstillingar i fagfeltet så vel som evne til å gjere greie for ulike retningar innan kjønnsteorien.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no

Undervisningssemester

Vår.

Undervisningsspråk

Norsk

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Mål og innhald

KVIK101: Introduksjon til kjønnsforsking - kjønnsforskingas aktualitet i dagens globaliserte samfunn er ein innførande, fleirfagleg modul som skal

a) gje ein presentasjon av den historiske utviklinga av kvinneforskingas første fase i 1960-70-åra som eit politisk, feministisk og fleirfagleg prosjekt. Sentrale omgrep som kvinneforsking, kvinneundertrykking, patriarkat og seksisme vil bli drøfta. Det vil bli fokusert både på norske og internasjonale bidrag til denne utviklinga.

b) gjennomgå utviklinga frå kvinneforsking til kjønnsforsking. Dette inneber ei problematisering av kvinneforskingas første fase på grunnlag av forståingar av kjønn som noko som skapast gjennom språk og symbol så vel som gjennom historisk erfaring. Den aukande interessa for menn sine kjønnsidentitetar innan maskulinitetsforsking vil inngå som ein del av denne utviklinga. Sentrale spørsmål som vil bli drøfta i denne samanhengen er: Har kjønn alltid hatt den same tydinga? Har kjønn den same tydinga overalt? Kva for rolle speler kjønn og kjønnsforskjell i dagens globaliserte samfunn? Og kva for rolle speler globaliseringa for vår oppfatning av kjønn og kjønnsforskjell?

c) gje eit overblikk over idear knytte til kjønn og seksualitet innan ulike teoriutviklingar - dvs. feministisk teori, psykoanalyse, såkalla skeiv teori (queer theory), og postkolonialistisk teori. Spørsmål som vil bli tekne opp er mellom anna: Kjem kjønnet 'innanfrå' eller 'utanfrå'? Blir vi fødde med et kjønn eller er kjønn noko vi blir - og i så tilfelle korleis? Er likestilling ei sjølvfølgje? Har kvinner noko til felles fordi dei er kvinner? Har menn noko til felles fordi dei er menn? Kva er forholdet mellom feministisk teori og mannsforsking?

d) gje ein introduksjon til teoriar om seksualitet og kjønnsforskjell ut frå ulike kulturelle perspektiv.

Undervisninga knytt til KVIK101 er fleirfagleg og derfor veleigna til å fungere som ei grunnleggjande innføring i sentrale omgrep og spørsmål som gjeld kjønn og seksualitet innan ei rekkje fagområde - til dømes sosiologi, filosofi, historie, litteraturvitskap, sosialantropologi, medisin, psykologi og helsefag.

KVIK101 - Introduksjon til kjønnsforsking - kjønnsforskingas aktualitet i dagens globaliserte samfunn - tek sikte på å gje ei brei innføring i kjønnsforsking for å vise korleis analyser av problemstillingar knytt til kjønn og seksualitet kan vere ein nøkkel til å forstå dagens globaliserte samfunn.

Læringsutbyte/resultat

Studenten skal opparbeide innsikt i den historiske utviklinga av kjønnsforskingsfeltet, ei generell oversikt over sentrale problemstillingar i fagfeltet så vel som evne til å gjere greie for ulike retningar innan kjønnsteorien.

Krav til forkunnskapar

Ingen

Tilrådde forkunnskapar

Generell studiekompetanse eller tilsvarande.

Undervisning og omfang

Undervisninga vil bli gitt som dobbelførelesingar (2 x 45 minuttar) og omhandlar:

" Frå kvinneforsking til kjønnsforsking
" Menn og maskulinitetar
" Kjønnsteori
" Forståingar av kjønn og seksualitet ut frå ulike kulturelle perspektiv.

Kollokvieundervisning.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

i) Det er obligatorisk oppmøte på 75% av kollokviesamlingane i løpet av semesteret.

ii) Studenten skal skrive eit framlegg i løpet av semesteret. Framlegget kan vere anten eit munnleg innlegg eller ei skriftleg innlevering.

Vurderingsformer

6-timars skuleeksamen. Studenten må ha gjennomført dei obligatoriske aktivitetane for å kunne gå opp til eksamen.

Karakterskala

Karakterskala A-F.

Læremiddelomtale

Pensum knytt til KVIK101 er sett saman av tekstar henta frå ulike fagområde (historie, sosiologi, idéhistorie og filosofi) som tek opp spørsmål knytt til kjønn og seksualitet. Tekstane er på norsk, svensk, dansk og engelsk.

Undervisningssted

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no