Innføring i sentrale logopediske emner

Undervisningssemester

Haust

Undervisningsspråk

Norsk

Læringsmål

Emnet gir ei utdjupande innføring i sentrale omgrep innan anatomi og fysiologi, nevrologi, sjukdomslære, nevropsykologi, lingvistikk i tillegg til ei innføring i logopediske emne. Emnet vil gje teoretisk og omgrepsmessig grunnlag for seinare emne.

Fagleg innhald

Studenten skal kunne:

• Hovudtrekka i nervesystemet si oppbygging og funksjon, medrekna lokalisering av funksjonar i hjernen, samt struktur og funksjon av høyrselsapparatet og vokaliseringsapparatet.
• Ulike omgrep for å skildre språk og språkutvikling, språkbaserte lærevanskar, afasi og dysfagi, stemme og stemmevanskar, taleflyt og artikulasjon.
• Undersøkingsmetodar for utgreiing av sjukdom og skade i sentralnervesystemet, medrekna hovudtrekka i den nevrologiske undersøkinga og hovudtrekka i ei nevrologisk undersøking.
• Korleis strukturelle forandringar, sjukdom og skade kan påverke språk-, tale- og kommunikasjonsmogleikar, medrekna hjerneslag og hovudtraumar, fokale og generelle hjerneskadar, aldersdemens og andre psykogene eller somatogene kognitive endringar, samt sjukdommar i svelg, strupe, munnhole, nasehole og øyrer.
• Nevropsykologi og ulike nevropsykologiske modellar for språk.
• Hovudtrekka i språket sin oppbygging og funksjon (grunnleggjande fonetikk, morfologi, syntax og semantikk/pragmatikk)

Studentane skal også ha kjennskap til:

• Metodar for studiar av språk, slik som åtferdsregistrering (eksperimentelle teknikkar for studiet av setningsprosessering, dikotisk lytting, tachistoskopiske presentasjonar/visuelt halvfelt og standardiserte metodar), og bileteframstillingsmetodar (strukturelle bilete som CT/MRI og funksjonelle bilete som PET, FMRI, og BEAM).
• Arbeidsmodellar i logopedisk arbeid slik som konsultasjon/rådgjeving, rettleiing, behandling/direkte klientarbeid.
• Lover og forordningar som regulerer arbeid med born og vaksne som har kommunikasjonsvanskar.

Læremiddelomtale

Studenten må vente å lese omlag 1200 sider litteratur for å dekkje krav i emne.

Undervisningsmetodar

Undervisinga vert gitt i form av førelesing, seminar og laboratorieøvingar.

Obligatoriske aktivitetar (særskilde krav)

Ingen

Evaluering

Studentane skal evaluere undervisinga i tråd med Det psykologiske fakultet si prosedyre for undervisingsevaluering. Evalueringa av undervisinga skal skje minimum kvart 3. semester.

Vurdering / eksamensformer

6 timars skriftleg eksamen (skuleeksamen).

Det vert nytta gradert karakterskala (A-F).

Fagleg ansvarleg

Avdeling for biologisk og medisinsk psykologi