Musikkforsking 303: Metodologiske tilnærmingar

Undervisningssemester

Undervisninga skjer i vårsemesteret

Læringsmål

Emnet skal gjera studenten i stand til å gjennomføra eit sjølvstendig forskingsarbeid, i første rekkje arbeidet med masteroppgåva. Emnet er praktisk retta, og føremålet er at studenten skal prøva ut ulike metodiske tilnærmingar i eiga forsking.

Fagleg innhald

Emnet Musikkforsking 303: Metodologiske tilnærmingar tek for seg ulike metodiske tilnærmingar til musikkforsking i ulike kulturar og historiske periodar. I samband med emnet utarbeider studenten også ei prosjektskisse i dialog med faglærar eller rettleiar. Prosjektskissa skal spesifisera val av tema for masteroppgåva, problemstilling, forskingsområde og avgrensing av eigne metodar. Emnet er obligatorisk.

Tilrådde forkunnskapar

Me føreset at studenten er teken opp til mastergradsprogrammet, jf. avsnittet om opptaksgrunnlag. I tillegg må eksamen i emna Musikkforsking 301 og 302 vera fullført med greidd resultat.

Læremiddelomtale

Litteraturliste (pensum) med et utval sentrale tekster i emnet (omfang ca. 1000 sider) vert gjort tilgjengeleg ved instituttet.

Undervisningsmetodar

Undervisninga i emnet tek for seg metodar frå humaniora og samfunnsvitskapane knytt til deira relevans for musikkforskinga. Det vert undervist i ulike former for historieforsking og tekstfortolking, hermeneutiske perspektiv og nyare teoridanningar som poststrukturalisme. Undervisninga dekkjer også ulike samfunnsvitskaplige metodar knytt til observasjon og dataproduksjon, kvalitative og kvantitative metodar, forutan meir spesialiserte musikkanalytiske tilnærmingar. Undervisninga i emnet er knytt til arbeid med praktiske oppgåver. Oppgåvene omfattar mellom anna rapportering og dokumentasjon frå eiga forsking. Dette materialet skal danna grunnlag for det vidare arbeidet med masteroppgåva.

Det vert gitt undervisning i form av seminar.

Evaluering

Det vert jamleg gjennomført evaluering av studieinnhald og undervisning. Det vert utarbeid skriftleg rapport basert på gruppesamtalar (eventuelt supplert med spørjeskjema).

Vurdering / eksamensformer

Eksamen skjer i form av mappevurdering. I dialog med faglærar eller rettleiar utarbeider studenten tre oppgåver, og éi av dei skal vera ei prosjektskisse. Det er obligatorisk rettleiing i samband med oppgåvearbeidet, med minst ei rettleiing for kvar oppgåve. Prosjektskissa tel 50 prosent i vurderinga av oppgåvene. Dei to andre oppgåvene tel 25 prosent kvar.

Prosjektskissa skal vera på omlag ti sider (med normal skrift, til dømes 12 punkt times), og ho skal innehalda:

- Gjennomgang og kort vurdering av forsking innanfor det tematiske feltet som emnet for masteroppgåva fell inn under. Forskingsfeltet bør ikkje vera definert for snevert.

- Problemstilling og arbeidshypotesar for prosjektet på bakgrunn av dei føreliggjande granskingane og val av perspektiv eller modell for undersøkinga.

- Metodespørsmål: Ei drøfting av dokumentasjonsproblemet og val av strategiar og teknikkar i forskingsarbeidet.

- Framdriftsplan.

Prosjektskissa vert tilrådd av rettleiar som saman med ein annan faglærar drøftar prosjektet med studenten. Omfanget av dei to andre oppgåvene vert definert i kvart enkelt tilfelle. Samla vurdering av emnet vert gitt som bokstavkarakter.