Bi-instrument påbygging

Krav til forkunnskapar

Gjennomført MUV227 Bi-instrument A eller MUV228 Bi-instrument B.

Emnet er normalt eit tilbod til studentar som har gjennomført 2. studieår på Bachelorprogram i utøvande musikk eller komposisjon eller tilsvarande.

Læringsutbyte

Studenten i fullført emne

• kan framføre eit grunnleggjande repertoar på biinstrumentet.
• kan kvalifisere seg for opptak til MUG140 Hovudinstrument klassisk 1 eller MUG142 Hovudinstrument jazz 1 på Bachelorprogram i utøvande musikk eller komposisjon der tilbod vert gjeve som hovuddisiplin.
• har god kjennskap til biinstrumentet sin historikk og tradisjon.
• kan forme og formidle eit kunstnarleg uttrykk på instrumentet.
• løyser på eiga hand tekniske utfordringar på instrumentet.

Kontaktinformasjon

Griegakademiet - Institutt for musikk. E-post: studierettleiar@grieg.uib.no

Undervisningssemester

Undervisninga startar i haustsemesteret og går over to semester.

Krav til studierett

Bachelorprogram i utøvande musikk eller komposisjon, eller andre studieprogram på Griegakademiet etter individuell søknad.

Mål og innhald

Emnet skal saman med hovudinstrument/-disiplin gje studenten eit utvida kunstnarleg og teknisk fundament for kreativ, allsidig og sjølvstendig arbeid som musikar.

Emnet byggjer på gjennomført MUV227 Bi-instrument A eller MUV228 Bi-instrument B, og skal vidareutvikle utøvande ferdigheit, kunnskap og formidlingsevne i song eller på instrument.

Emnet fokuserer på:

• eigne evner som utøvar
• grunnleggjande teknisk og musikalsk ferdigheit
• instrumentkunnskap/stemmefysiologi
• interpretasjons- og repertoarkunnskap
• samspel.

Eigne evner som utøvar:

Studenten skal utvikle grunnleggjande teknisk og musikalsk ferdigheit gjennom individuell rettleiing, eiga øving og samspel.

Grunnleggjande teknisk og musikalsk ferdigheit:

Studenten får trening gjennom øvingar/etyder til å beherske vanlege krav til t.d. orkesterspel på instrumentet.

Instrumentkunnskap/stemmefysiologi:

Studenten skal få kjennskap til konstruksjonen/fysiologien, verkemåten og historikken til instrumentet/stemma. Det vert vist til relevant litteratur.

Interpretasjons- og repertoarkunnskap:

Studenten skal arbeide med minst to relevante sjangrar og/eller stilartar. Der det er aktuelt skal studenten arbeide med orkesterstemmer.

Samspel:

Studenten bør vere med i ensemble (inkludert duo) med relevant repertoar.

Emnet vert tilbydd på

• instrument med eigne fagtradisjonar og eige repertoar
• instrument som også kan verte tilbydd som hovudinstrument på utdanningsinstitusjonar.
• historiske variantar av hovudinstrument (til dømes cembalo, hammerklaver og barokke stryke- og blåseinstrument), om tilhøva ligg til rette for det.
• instrument som står i nær slektskap med studenten sitt eige hovudinstrument, t.d. orkesterinstrument som kontrafagott, engelsk horn, bassklarinett, piccolo o.l.

I tvilstilfelle skal programleiinga avgjere kva instrument som kan studerast som biinstrument.

Læringsutbyte/resultat

Studenten i fullført emne

• kan framføre eit grunnleggjande repertoar på biinstrumentet.
• kan kvalifisere seg for opptak til MUG140 Hovudinstrument klassisk 1 eller MUG142 Hovudinstrument jazz 1 på Bachelorprogram i utøvande musikk eller komposisjon der tilbod vert gjeve som hovuddisiplin.
• har god kjennskap til biinstrumentet sin historikk og tradisjon.
• kan forme og formidle eit kunstnarleg uttrykk på instrumentet.
• løyser på eiga hand tekniske utfordringar på instrumentet.

Krav til forkunnskapar

Gjennomført MUV227 Bi-instrument A eller MUV228 Bi-instrument B.

Emnet er normalt eit tilbod til studentar som har gjennomført 2. studieår på Bachelorprogram i utøvande musikk eller komposisjon eller tilsvarande.

Fagleg overlapp

Emnet erstatter MUV2153 Biinstrument II.

Undervisning og omfang

Undervisninga vert gjeven gjennom individuell rettleiing.

Det inngår ingen akkompagnatørressurs i emnet.

Obligatoriske arbeidskrav

- Delta på undervisning (individuell rettleiing).

- studenten skal innstudere minst 60 minutt repertoar (kan inkludere repertoar frå MUV227 Biinstrument A eller MUV228 Biinstrument B), der minst 20 minutt er ensemblespel eller orkesterrepertoar. Repertoaret skal verte dokumentert i eksamenssemesteret og levert på eige skjema innan 15. april (ev. 15. oktober), godkjent av faglærar.

- studenten gjer framlegg om eit eksamensprogram, som skal godkjennast av faglærar innen 15. april (ev. 15.oktober).

All undervisning er obligatorisk. Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen. Godkjente obligatoriske arbeidskrav er gyldig i to semester etter gjennomføring.

Vurderingsformer

Eksamen vert gjennomført som ei konsertframføring av eit repertoar på 20 min, der deler av programmet kan vere samspelrepertoar.

Intern sensur med minst to sensorar.

Karakterskala

Bokstavkarakterar frå A til F.

Emneevaluering

Undervisninga blir evaluert i tråd med Universitetet i Bergen sitt kvalitetssikringssystem.

Kontaktinformasjon

Griegakademiet - Institutt for musikk. E-post: studierettleiar@grieg.uib.no