Religionsvitskapleg teori

Masteremne

Emnebeskrivelse

Mål og innhald

Emnet tek sikte på å gjere studentane kjende med sentrale bidrag til den internasjonale teoretiske debatten i religionsvitskap. Emnet tek òg sikte på å gje eit godt grunnlag for arbeidet med ei mastergradsoppgåve. Dette vil ein oppnå gjennom drøfting av teoribruk i tidlegare masteroppgåver i religionsvitskap, samt kjennskap til religionsvitskapelege tidsskrift.

For mastergradsstudentar i religionsvitskap er emnet obligatorisk, og skal normalt takast i første semester.

Læringsutbyte

Studenten har ved avslutta emne følgjande læringsutbyte definert i kunnskap, ferdigheiter og generell kompetanse:

Kunnskapar:

Studenten

  • har fordjupa kunnskap om teoretiske tilnærmingar og aktuelle teoretiske diskusjonar innanfor religionsvitskapen i ulike vitskapelege publiseringsformer (tidsskrift, bøker, podcast)

Ferdigheiter:

Studenten

  • har evne til å forstå og diskutera teoretiske spørsmålstillingar og teoretiske resonnement.
  • har evne til å skrive tekster i ulike akademiske sjangrar (bokmelding, kommentar, essay).
  • er kjend med vitskapeleg publisering, informasjonssøk, bruk av kjelder, kjeldekritikk, sitering og etikk.

Generell kompetanse:

Studenten

  • har kompetanse i fordjupa og sjølvstendig akademisk lesing og skriving.
  • har fordjupa røynsle med å planleggje og gjennomføre skriftlege arbeid av ein bestemt sjanger og omfang innanfor oppgitte tidsfristar.

Fulltid/deltid

Fulltid

Studiepoeng, omfang

15

Studienivå (studiesyklus)

Master

Undervisningssemester

Haust

Undervisningsstad

Bergen
Krav til forkunnskapar
Ingen
Tilrådde forkunnskapar
Ingen
Studiepoengsreduksjon
Ingen
Krav til studierett
Emnet er ope for alle studentar som er tekne opp til eit mastergradsstudium ved UiB. Studentar ved andre masterprogram enn religionsvitskap som ønskjer å melde seg på emnet må søkje til studierettleiar@ahkr.uib.no
Arbeids- og undervisningsformer
Normalt 10-14 samlingar à to timar.
Obligatorisk undervisningsaktivitet
  • Øving som går ut på å skrive kommentarar til ein oppgitt episode frå religiousstudiesproject.com. Minstekrav er 6 innleveringer på til saman inntil 1500 ord.
  • Oppsummering av ein oppgitt artikkel frå eit religionsvitskapleg tidsskrift (700- 750 ord).
  • Tekstene leverast på Mitt UiB til oppgitte fristar.

    Obligatoriske undervisningsaktivitetar vert vurdert til godkjent/ikkje godkjent.

    Alle obligatoriske undervisningsaktiviteter må vere godkjende i eit og same undervisningssemester. Dersom ei innlevering ikkje vert godkjend, kan ho leverast inn ein gong til.

    Godkjenninga av obligatoriske undervisningsaktivitetar er gyldig i undervisningssemesteret og to påfølgjande semester.

    Vurderingsformer

    I tråd med emnet si satsing på jamleg skriving og meistring av ulike sjangrar, består eksamen av fleire delar som strekker seg over heile semesteret:

    1. Semesteroppgåve om eit sjølvvald tema (om lag 3 000 ord). Temaet må godkjennes av emneansvarleg seinast tre veker før innleveringsfristen.

    2. Kritisk omtale av ei pensumbok (inntil 1500 ord)

    3. Oppsummering av ein oppgitt artikkel frå eit religionsvitskapeleg tidsskrift ( 700-750 ord)

    Semesteroppgåva tel 60 prosent av samla karakter i emnet. Bokomtala tel 30 prosent og artikkeloppsummeringa tel 10 prosent.

    Alle eksamensdelar må vere greidde i eitt og same undervisningssemester.

    Eksamen vert berre gjennomført i undervisningssemesteret.

    Karakterskala
    Det vert nytta gradert karakterskala frå A til F, der F er stryk.
    Vurderingssemester

    Haust.

    Eksamen vert berre gjennomført i undervisningssemesteret.

    Litteraturliste

    Litteratur omfattar bøker, artiklar (minimum 1000 sider) og 6-8 podcast-episodar.

    Pensum består òg av sjølvvalde delar.

    Litteraturlista vil vere tilgjengeleg på uib.no 1. juni for haustsemesteret og 1. desember for vårsemesteret.

    Emneevaluering
    Emneevalueringar vert gjennomførte i tråd med UiB sitt kvalitetssikringssystem.
    Hjelpemiddel til eksamen
    Ingen
    Programansvarleg
    Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.
    Emneansvarleg
    Programstyret for religionsvitskap
    Administrativt ansvarleg
    Det humanistiske fakultet v/ Institutt for arkeologi, historie, kultur- og religionsvitskap har det administrative ansvaret for emnet og studieprogrammet.