Russisk språkhistorie og språkstruktur

Undervisningsspråk

Norsk/russisk, evt. engelsk

Krav til forkunnskapar

Bachelorgrad med spesialisering i russisk eller tilsvarande

Læringsutbyte

Studentane får grunnleggjande kunnskapar om russisk språkhistorie og dialektar og ei grundig forståing av russisk språkstruktur. Dei får oppøving i ei kritisk og sjølvstendig haldning til språkvitskaplege problemstillingar, som er naudsynt for arbeid med ei masteroppgåve om russisk språk. Dei får òg kunnskapar om utviklinga av russisk skriftkultur.

Kontaktinformasjon

studieveileder@if.uib.no

Undervisningssemester

Haust

Undervisningsspråk

Norsk/russisk, evt. engelsk

Studienivå

Master

Krav til studierett

Emnet er ope for studentar med studierett på masterprogrammet i russisk ved UiB.

Mål og innhald

RUS301 gir ei grundig innføring i ei språkvitskapleg tilnærming til det russiske språket. Emnet inneheld to delar, språkhistorie og moderne russisk språkstruktur. Studentane blir presenterte for hovudtrekka i russisk språkhistorie, og det vert lagt særskilt vekt på å syna den relevansen språkutviklinga har for moderne standardrussisk og russiske dialektar. Samstundes gir kurset eit oversyn over teksttypar og litterær aktivitet frå kristninga inntil 1800-talet. Utvalde tekstar og tekstdøme blir lesne og gått gjennom. Den andre delen av kurset gir ei språkvitskapleg tilnærming til moderne russisk språkstruktur.

Læringsutbyte/resultat

Studentane får grunnleggjande kunnskapar om russisk språkhistorie og dialektar og ei grundig forståing av russisk språkstruktur. Dei får oppøving i ei kritisk og sjølvstendig haldning til språkvitskaplege problemstillingar, som er naudsynt for arbeid med ei masteroppgåve om russisk språk. Dei får òg kunnskapar om utviklinga av russisk skriftkultur.

Krav til forkunnskapar

Bachelorgrad med spesialisering i russisk eller tilsvarande

Undervisning og omfang

Førelesingar, seminar og tekstgjennomgang

Obligatoriske arbeidskrav

To obligatoriske innleveringar

Vurderingsformer

Eksamen er ein seks timars skuleeksamen. Dei to innleveringane må vera godkjende før studentane kan gå opp til eksamen.

Karakterskala

Ved sensur av emnet nyttar ein karakterskalaen A-F, der F er stryk.

Læremiddelomtale

Russisk språkhistorie og språkstruktur har eit primærpensum og eit sekundærpensum. Primærpensum inneheld tekstar og tekstutdrag, sekundærpensum er sett saman av utvalde lærebokkapittel og artiklar frå faglitteraturen.

Undervisningsstad

Bergen

Emneevaluering

Undervisninga blir evaluert i tråd med UiB sitt kvalitetssikringssystem.

Kontaktinformasjon

studieveileder@if.uib.no