Ny norsk språkhistorie

Prosjektet utvikla som samarbeid mellom nordisk-miljøa ved norske universitet og høgskolar.

Redaksjonsgruppe:

Tove Bull, Universitetet i Tromsø

Brit Mæhlum, Noregs teknisk-naturvitskaplege universitet

Michael Schulte, Høgskulen i Volda

Helge Sandøy, Universitetet i Bergen

Lars S. Vikør, Universitetet i Oslo

Inge Særheim, Universitetet i Stavanger

Ernst Håkon Jahr, Universitetet i Agder

Kristin Bakken, Nasjonalbiblioteket, Oslo

Mål:

I 2014 er det 200-årsjubileum for grunnlova, staten og nasjonen Noreg. Då bør vi ha skaffa oss eit nasjonalt språkhistorisk verk. I Noreg vantar vi heilt ei fagleg og samlande språkhistorisk framstilling.

Prosjektet ”Ny norsk språkhistorie” skal dekkje ulike behov og har såleis fleire mål.

1.      Språkhistoria tar mål av seg til å bli eit oppdatert og moderne (basert på nyare forsking) fagleg referanseverk (til liks med referansegrammatikken). Målet er så ambisiøst som å skrive den første store samanhengande norske språkhistoria!

2.      Verket skal beskrive (og forklare) utviklinga av norsk språk (talt og skrive) frå dei tidlegaste tidene vi kan dokumentere eksistensen av ”norsk”, til i dag.

3.      Så langt kjeldegrunnlaget gjev rom for det, skal beskrivinga vere både ”indre” og ”ytre”. Språkkontaktperspektivet er viktig, ikkje minst fordi det er så mangelfullt behandla i tidlegare framstellingar.

4.      Språkhistoria skal inkludere ikkje-norske språk som har hatt heimvist i Noreg, deira historie og stilling i Noreg, for å skape innsikt i språksosiale forhold slik dei har komme uttrykk og vore under endring gjennom tidene.

5.      Språkhistoria skal gje ny innsikt i og ny forståing for samanhengar i norsk språk og det norske språksamfunnet.

6.      Det skal bidra til refleksjon om språk, språkleg variasjon og språkendring.

7.      Det skal gje innsikt i og forståing for (konstruksjonen av) norsk identitet gjennom tidene.

8.      Verket skal ha ei form som er tilpassa målgruppa, det vil seie fagfolk, forskarar, studentar og den opplyste ålmenta.

Bind 1: Norsk språkhistorie – kronologisk oversyn

bindredaktør: Ernst Håkon Jahr, ferdig i 2015

Bind 2: Struktur og variasjon

bindredaktør: Helge Sandøy, ferdig i 2014

Bind 3: Språk i bruk

bindredaktør: Brit Mæhlum, ferdig i 2014

Bind 4: Språkideologi

bindredaktør: Tove Bull, ferdig i 2014