Medan CMS fokuserte på relasjonen mellom periferi og senter i eit komparativt perspektiv organisert kring fire hovudtema – skriftkultur, religion, statsdanning og historieskriving – legg den nye forskargruppa vekt på banda mellom det materielle og det tekstlege i eit tverrfagleg perspektiv under overskrifta «topografiar og nettverk». «Topografiar» er her definert vidt – både fysiske strukturar, men også knytt til politiske, økonomiske så vel som kulturelle felt – og signaliserer ei målsetjing om å sameine det materielle og det mentale. Vekta på nettverk syner på si side til ei målsetjing om å granske interaksjonen mellom individ og grupper, og ikkje minst, den kommunikative infrastrukturen. Eit slikt fokus på nettverk supplerer den meir strukturelle forståinga av topografiar, og opnar såleis opp for få grep om mangfaldige og resiprokale strukturar og relasjonar.

Eit hovudmål er å bruleggje den sterke nasjonale orienteringa innan mellomalderforsking, hovudsakleg gjennom bruk av samanlikning, men også ved å nytte mangfaldige perspektiv – europeiske og i nokre tilfelle også globale. Det føreset gjerne bruk fleire typar kjeldemateriale, metodar og teoriar. Kronologisk definerer forskargruppa mellomalderen vidt, og erstattar den tradisjonelle definisjonen 500-1500 med ein som gjer det mogeleg å følgje topografiar og nettverk tilbake til før 500 og utover år 1500.

Styringsgruppe: Ingvild Øye, Geir Atle Ersland og Leidulf Melve (leiar)