Forskingsgruppa på Midtausten- og Afrika samlar forskarar som arbeider med tema i denne regionen, frå Sør-Afrika i sør til Tyrkia og Iran i nord, frå menneskets tidligaste tider fram til i dag. Gruppa har to regionale fokus: Midtausten, der vi bygger på ein lang og omfattande forskingstradisjon ved institutta og ved UiB elles; og det afrikanske kontinentet som er i ferd med å bli eit interessant felt for forsking. Men UiB har stått spesielt sterkt i studiet av dei områda der Afrika og Midtausten overlappar og er i kontakt: Det muslimske Afrika og spesielt Sudan; men også det Indiske havet og kontakt og samband over dette.

Under Forskargruppa vert det også organisert eit ph.d.-seminar i Midtaustenstudiar, som også omfattar PhD-studentar frå andre HF- og SV-fag på dette området, eit framhald av den tidligare "Forskarskulen i Midtaustenkunnskap". Det blir arrangert manusseminar, fellesmøter, dagsseminar m.v. under dette ph.d.-seminaret.