Denne forskningsgruppa studerer forvaltningspolitikk, administrative reformer og institusjonell endring i eit fleirnivå-perspektiv. Mange av dei viktige utfordringane både teoretisk og i praksis når det gjeld utforminga og verkemåten til det politisk-administrative systemet ligg i dag i grenseflata mellom forvaltningsnivå, frå det lokale, via det regionale til det nasjonale og overnasjonale nivået; i grenseflata mellom offentleg sektor, sivilsamfunnet og privat sektor; og i grenseflata mellom folkevalde og administrative organ. Nye styrings- og organisasjonsformer utfordrar etablerte ordningar. Gruppas forskning vil vera komparativt orientert og vil retta seg mot relasjonane mellom det europeiske nivået, det sentrale statlege nivået, regionar og kommunalt nivå og mot nye former for offentleg-privat samarbeid. Vi er mellom anna opptekne av korleis organisasjons- og styringsformer blir til og endrar seg gjennom organisasjonsmessige innovasjonar i spenningsfeltet mellom demokratisk styring, forvaltning og marknad.