Barbara Gentikow og Lars Nyre tok inititativ til TVERTEK i 2006, med eksplisitt føremål om å få etablert eit tydelegare eksperimentelt miljø ved instituttet. Denne ambisjonen stamma frå erfaringar gjort i Noregs forskingsråd sitt program for Kultur, IKT og medier (KIM) frå 2003-2006.

Gjennom TVERTEK sine møter og reiser har planane for laboratoriet blitt stadig meir konkrete. TVERTEK var på workshop til London 20-23. mai 2007, og besøkte Microsoft Cambridge Lab, London Knowledge Lab, Work-based Learning – Centre of Excellence og Centre for HCI Design (City University). I dette arbeidet har Ingerid Rødseth, Frode Guribye, Andreas Lothe Opdahl og Bjørnar Tessem vore sentrale. Her kom det fram ei rekkje praktiske forhold, til dømes at det er svært viktig med intern rekruttering til laboratoriet.

Planen om eit forskinglaboratorium var i utgangspunktet frittståande i forhold til leiinga ved instituttet. Det har ikkje gått med administrative ressursar til å utvikla denne planen eller studiereisene, og alt arbeid er utført for Gruppe for tverrfagleg teknologiforsking si rekning. Men planen vart tidleg fanga opp av leiar Jostein Gripsrud, og står nevnt i Instituttet sin reviderte utviklingsplan (mai 2007), og vart spesifisert som ekstraordinært tiltak i budsjettframlegget for 2008 utan at pengar vart løyvd.

Våren 2009 tok leiar Dag Elgesem initiativ til å ta i bruk rommet i 5. etasje for å få fart i sakene på det reint praktiske nivået. Saman med ei investering på 50.000 kr vart det mogeleg å opna laboratoriet i februar 2009. Rune Arntsen, Stein Unger Hitland, Kurt Gjerde og Tor Gjøsæter var også involvert i dette arbeidet.

Hausten 2009 vart Ana Laws hyra til å laga datasystem for T-lab, og laga ein videoinstallasjon som rullar på tre skjermar i labvindauget. Ved nytttår 2010 vart det nye intranettet tatt i bruk.