Demokrati og rettsstat

Demokrati og rettsstat

Dette forskingsfeltet har lange tradisjonar ved fakultetet. Samstundes er det tema som stadig må nytenkjast og prøvast mot nye globale utfordringar. Det gjeld t.d. klimautfordringar og ressursforvalting, multikulturalisme, migrasjonsstrømmar, truslar mot ytringsfridom og brot på politiske og sosiale rettar. 

I tillegg til den breie kompetansen på dei ulike institutta ved fakultetet innan dette forskingsfeltet, er det også tett samarbeid mellom forskarar ved institutta og Uni Rokkansenteret. Fleire store studiar av reformer i offentleg sektor er gjennomført i samarbeid mellom Uni Rokkansenteret og fakultetet.

I UiBs tverrfakultære satsing Demokrati og rettsstat er juridiske og rettsstatlege problemstillingar eit viktig tilskot til dei politiske, sosiale og kulturelle problemstillingane som særleg kjenneteiknar den samfunnsvitskaplege forskinga.

Aktuelle forskingsgrupper

• Demokrati, organisering og politisk regime
• Politisk organisering og fleirnivåstyring
• Europeisk politikk
• Europeisering og demokrati
• Kunnskap, politikk og organisering