Huset og realiteten i dag

I staden for vern mot vind og vær, er realiteten i dag at huset er redusert til kjøp og konsum.

I staden for helsevern og betre luft inne, er det dobla tal på astma- og allergi-plaga på siste generasjon.

I staden for å byggja samfunn, er huset redusert til privat eigedom med fokus på juss og teknisk regulering. Huseigaren kjøper seg plass i samfunnet, huset skal visa eigaren.

I staden for eit felles landskap, vert rekreasjon lagt ut til privat kjøp, kommunalteknisk regulert og oppstykka. Me har erfaring frå 4500 års bygging på Vestlandet, men formidlinga reduserar det til antikvitetar, framstillingsestetikken skjuler erfaringane.

(Å verta arkitekt i dag gjeld å læra å sjå denne realiteten. Forskinga gjeld å klårgjera dette.)