IT og telefon

Databriller

Universitetet har eigne rutinar for støtte til databriller. Det kan vera behov for databriller når arbeidstakaren treng briller ved dataskjermen, og vanlege briller til avstandsbruk eller lesebriller ikkje gjev god nok hjelp. Det er viktig at rutinane ved UiB blir følgde dersom ein skal få refundert utgifter til synsprøve og briller.

IT-hjelp

Ta direkte kontakt med brukarstøtta BRITA ved It-avdelinga når du treng hjelp med datamaskin, e-post, nettilgang, programvare og andre it-tekniske spørsmål. BRITA kan òg nåast på telefon 84700.

Spørsmål om brukarkonto, ny e-postadresse og tilgang til felles e-postlister ved Institutt for framandspråk, kan rettast til forskingskonsulent Jan A. Johansen (tlf 89378).

IT-innkjøp

Innkjøp av nye datamaskiner - berbare og stasjonære - går gjennom instituttet. Maskinene skal kjøpast innanfor UiB sine innkjøpsavtaler, og IT-avdelinga gjev innkjøpsrettleiing.

1. Alle fast tilsette har normalt ei stasjonær datamaskin på kontoret, og dersom denne maskina er ”utsliten” eller øydelagd, har instituttet ansvar for å dekka utgiftene til ny maskin. Kontakt Anne Hestnes dersom du treng ny maskin.

2. Innkjøp av berbare datamaskiner for prosjektmidlar, påskjøningsmidlar o.a. skal òg ordnast gjennom instituttet ved Hestnes.

Mobiltelefon finansiert av arbeidsgjevar

Normalt er det berre instituttleiar som har mobiltelefon finansiert av arbeidsgjevar. Berre i heilt særskilte tilfelle er det aktuelt å innvilga ei slik ordning for andre. Leiarar av større internasjonale prosjekt kan søkja om mobiltelefon dersom det er behov for omfattande telefonbruk utanom vanleg arbeidstid. For at søknaden skal bli vurdert, må sentrale samarbeidspartnerar i prosjektet vera i tidssoner langt unna oss, dvs i Amerika, Oseania eller Asia.

Søknader om mobiltelefon skal sendast til administrasjonssjef Arve Kjell Uthaug, og gokjennast av styrar/kontorsjef før søknaden vert sendt vidare og avgjort av fakultetet. Meir informasjon og retningsliner om mobiltelefon finansiert av arbeidsgjevar ligg her.

Videokonferansar

Instituttet har utstyr for videokonferansar på møterom 305. Utstyret kan brukast til å avvikla møte og liknande, og det kan nyttast til å gjennomføra munnlegeksamenar der sensor sit utanbys. I eksamensperiodane vil møterom 305 bli prioritert til videooverføring av munnlegeksamenar.

To ting må alltid vera på plass for å få til ein videokonferanse: Det må vera eit studio i "andre enden", og det må gjerast avtale med nokon som handterer utstyret i dette andre studioet. Når desse to tinga er på plass, er det enkelt å bruka utstyret på 305, og det er laga ei kort rettleiing for videokonferansar på rom 305. Ta kontakt med Anne Hestnes eller eller ein av eksamenskonsulentane ved instituttet dersom du treng hjelp.

IT-utstyr, kassasjon

Når nokon har gammalt It-utstyr som dei ikkje lenger brukar, må dei kontakta it-avdelinga for å sjekka om andre kan overta utstyret eller om det skal kastast. Legg inn ei melding til It-avdelinga på BRITA.

Dersom utstyret skal kasserast, må det fyllast ut eit eige kassasjonsskjema. Ta kontakt med Anne Hestnes i administrasjonen, så hjelper ho med skjemaet.