Programkoordinatorer

Retningsliner for faglege koordinatorar på studieprogramma ved Institutt for framandspråk

Godkjent av instituttleiar Leiv Egil Breivik 21. april 2008, med endringar 11. september 2009.

1. Rammer

A. Programma som er forankra ved Institutt for framandspråk (IF), er kjenneteikna ved at den administrative koordinatoren er tilsett ved IF, at IF har ansvaret for å stilla driftsmidlar til programmet og at det er instituttleiar ved IF som peikar ut den faglege koordinatoren for programmet.

B. Fagleg koordinator skal vera frå ei av spesialiseringane som går inn i programmet.

C. Fagleg koordinator er underordna undervisningsleiaren ved Institutt for framandspråk.

D. Fagleg koordinator arbeider i nært samarbeid med den administrative koordinatoren for programmet, som tek seg av det meste av den daglege administrative oppfølginga.

2. Arbeidsoppgåver

Fagleg koordinator er ansvarleg for samanhengen i studieprogrammet og skal halda oversyn, ta initiativ til endringar og driva langtidsplanlegging. Meir konkret har fagleg koordinator følgjande arbeidsoppgåver:

A. leia arbeidet i programstyret

B. vidareutvikla programmet og driva langsiktig planlegging

C. ta initiativ til studieplanendringar og andre justeringar i programmet. Endringane må  gjerast i samråd med dei involverte institutta/faga.

D. delta i evalueringa av programmet gjennom å kommentera relevante evalueringar til den årlege utdanningsmeldinga ved fakultetet og eventuelt ta initiativ til evalueringar  

E. halda kontakt med og følgja opp merknadene frå programsensor

F. avgjera om programmet skal ta i bruk styringsdokument som strategiplan, handlingsplan og årsrapport

G. delta i orienteringsmøta for programmet

H. ta initiativ til og delta på programmøte med fagleg innhald

I. uttala seg om godkjennings- og innpassingssaker der det trengst

J. delta i utforminga av rekrutteringsmateriell for programmet der det trengst

K. gje råd, rettleiing og svara på ulike spørsmål som gjeld programmet

L. halda kontakt med representantar for studentane på programmet 

M. delta i Utvalet for undervisning og internasjonalisering ved IF

3. Funksjonstid

Første ordinære utskifting av faglege koordinatorar ved IF er i januar 2010. Deretter sit koordinatorane i vervet i fireårsbolkar.

4. Kompensasjon

Vervet som fagleg koordinator blir godskrive med 50 timar semesteret i undervisnings- og administrasjonsrekneskapen (75 timar fram til og med hausten 2009).

Redigèr denne siden