Seksjon for patologi
Seksjon for patologi er lokalisert i 1. og 2. etasje av Sentralblokka til Haukeland Universitetsjukehus - mot aust og mot det nye Laboratoriebygget - og omfattar fleire subfelt innan organpatologi, histopatologi og cytologi, rettsmedisin, Laboratorium for oral patologi og rettsodontologi.
Laboratoriearbeid på Seksjon for patologi Foto: UiB
Seksjonen er samlokalisert med Avdeling for patologi, Haukeland Universitetssjukehus. Fleire professorar har bistilling som overlege i patologi på sjukehuset, og nokre overleger har bistilling som professor ved Seksjon for patologi. Dette er for å styrke det faglege samarbeidet mellom universitets- og sjukehusmiljøa i patologi. Felleslaboratorium for molekylær patologi er organisert i felleskap mellom universitetsmiljøet og sjukehusmiljøet i patologi.
Gades institutt vart innvia i 1912, og vart i 1936 delt i ei avdeling for patologi og ei for sero-bakteriologi. Avdeling for patologi flytta i 1982 inn i noverande lokale i Sentralblokka. I 2003 vart patologi samla med mikrobiologi og immunologi til det nye Gades institutt som i dag har ein Seksjon for patologi og ein Seksjon for mikrobiologi og immunologi. Laboratorium for oral patologi og rettsodontologi vart samla med Gades institutt i samband med samanslåing av Det medisinske og det odontologiske fakultet i 2008. Dei to seksjonane ved Gades institutt er frå sommaren 2009 kun skilde av ei kort gangbru mellom Sentralblokka og det nye Laboratoriebygget til Haukeland Universitetssjukehus.
Seksjon for patologi, lokalisert i sentralblokken Foto: UiB
Sist endret: 2.3.2009