Seksjon for mikrobiologi og immunologi

Immunology research

Det er ei rekke pågåande forskningsprosjekt innanfor desse miljøa. Det akademiske miljøet i bakteriologi, virologi og immunologi har heile tida vore nært knytta til Haukeland Universitetssjukehus sin Avdeling for mikrobiologi og immunologi som igjen har vore delt i diagnostiske seksjonar for bakteriologi, virologi og immunologi. Blodbanken med transfusjonsmedisinen har Gades institutt og Seksjon for mikrobiologi og immunologi som sin akademiske tilknytning. Det er ein omfattande praksis at professorane har bistilling som overlege på sjukehuset, og overleger har bistilling som professor ved Seksjon for mikrobiologi og immunologi. Dette held fram i det nye Laboratoriebygget dit instituttets Seksjon for mikrobiologi og immunologi flyttar inn i 5. etasje i 2009. Sjukehusets Avdeling for mikrobiologi flyttar inn i 4. etasje, og immunologien og transfusjonsmedisinen (Blodbanken) blir ei ny og samla Avdeling for immunologi i 3. etasje av Laboratoriebygget.
Det nye Laboratoriebygget tilbyr moderne laboratorier, spesialrom, kjernefaciliteter og utstyr som er veleigna from framtidsretta translasjonell forskning basert på molekylærbiologi, molekylærmedisin, funksjonell genomisk forskning og systembiologi.

Gades institutt vart innvia i 1912, og vart i 1936 delt i ei avdeling for patologi og ei for sero-bakteriologi. Sero-bakteriologisk avdeling skifta i 1958 namn til Mikrobiologisk avdeling og vart i 1963 flytta til MFH-bygget (seinare Armauer Hansens hus). I 1960-åra vart det oppretta eigne professorat i immunologi og virologi i tillegg til bakteriologi. Avdeling for mikrobiologi og immunologi fungerte deretter som eige institutt ved Det medisinske fakultet fram til 2003 då det igjen vart samling med Avdeling for patologi til det nye storinstituttet Gades institutt. I Armauer Hansens hus var Avdeling for mikrobiologi og immunologi samlokalisert med Broegelmanns Forskningslaboratorium og Laboratorium for oral mikrobiologi ("Lab oral") heilt sidan 1960-talet. I 1990 flytta Senter for virologisk forskning til Høyteknologisenteret på Marineholmen og omfatta NAVF/RMF (seinare Norges Forskningsråd) sitt nasjonale Senter for virologi som vart lagt til Bergen etter nasjonal konkurranse og internasjonal evaluering. I 2004 vart det virologiske miljø delvis flytta til Bygg for biologiske basalfag (BBB) og delvis tilbake til Armauer Hansens hus. I 2008 vart Det medisinske og Det odontologiske fakultet slått saman til Det medisinsk-odontologiske fakultet og "Lab oral" vart inkludert i Gades institutt som ein del av samlingsprosessen. Det har derfor pågått stadige flytte- og organisasjonsprosessar. Professorat og undervisning har imidlertid heilt sidan 1960-talet vore organisert innanfor fagfelta bakteriologi, virologi og immunologi.

Frå 2009 heiter seksjonen/avdelinga Seksjon for mikrobiologi og immunologi og flyttar fram mot sommaren inn i 5. etasje av det nye Laboratoriebygget. Avdeling for patologi skiftar namn til Seksjon for patologi og forblir i nærliggande areal i Sentralblokka. Det er gangbru mellom dei to bygg. Dette medfører det mest geografisk samla Gades institutt sidan 1963.