Forskarutdanningskurs sommaren 2009

.

Forskarskulen i kultur og samfunn inviterar til Paris 19.-22. juni, der kurset Between Intellectual History and History of Science finn stad. Kurset er eit samarbeid mellom forskarskulen og Senter for fransk-norsk forskingssamarbeid innan samfunnsvitskap og humaniora.

Tekst Bilde Lyd Rom (TBLR), forskarskulen for dei estetiske faga, har fått den nederlandske professoren i litteraturvitskap Mieke Bal til Bergen 19. og 20. juni for å halde seminaret In-Between: Affect as an Interdisciplinary Medium. Det vil også vere avhandlingsseminar i tilknyting til dette.

Forskarskulen i språkvitskap og filologi er vertskap for The Third Scandinavian Ph.D. Conference in Linguistics and Philology, som går av stabelen i Bergen 16.-18. juni. Ved konferansen skal Andrew Chesterman, University of Helsinki, Gjert Kristoffersen, UiB og Coco Norén frå Uppsala Universitet halde innlegg.

I tillegg held forskarskulane i kultur og samfunn og språkvitskap og filologi felles kurs om kvalitativ metode for humanistar 21.-22. april.

Sjå for øvrig forskarutdanninga sin aktivitetskalender for full oversikt over kurs og seminar, samt program og meir informasjon om dei enkelte arrangementa.