Spurveugleprisen
Spurveugleprisen er HF sin pris for utdanningskvalitet. Prisen er på kr. 25 000,- og vert delt ut av fakultetet sitt studiestyre til fagmiljø som kan dokumentere særleg vellykka tiltak for å forbetra utdanningskvaliteten.
Prisvinnaren får dette kobberstikket av Harald Kryvi.
Studiestyret vil særleg leggja vekt på følgjande: Tiltaket må vera nyskapande og bidra vesentleg til utvikling og forbetring av utdanningskvaliteten. Tiltaket må visa til samarbeid mellom studentar, fagpersonale og andre aktørar både i planleggings-, gjennomførings- og oppfølgingsfasen. Under elles like vilkår vil tiltak som omfattar fleire fagmiljø bli prioritert.
Tilsette og studentar kan fremje forslag til kandidatar og saman med forslaget skal det gjevast dokumentasjon av undervisningskvaliteten. Det skal oppnemnast kontaktperson for forslagstillarane.
Prisen skal brukast til tiltak som kan bidra til å styrke utdanningskvaliteten i samsvar med prisvinnaren sine ønske. Prisvinnaren skal gje ein kort rapport til dekanen om bruk av prismidlane.
Vinnaren blir nominert til Ugleprisen, UiB sin pris for utdanningskvalitet. Studiestyret står fritt til også å nominera fleire tiltak.
Søknadsfrist er 6. mai.
Kontaktpersonar: visedekan Jan Oldervoll og studiesjef Ronald Worley.
Sist endret: 21.3.2012