Nye eksternfinansierte prosjekt ved LLE

Fagmiljøet ved nordisk språk har ansvar for forskningsprosjektet Språkutvikling på industristadar, som skal kartlegge dialektutviklinga i Årdal, Odda, Tyssedal og Sauda. Den samla ramma for prosjektet er knappe 9 mill. kr. over tre år. NFR bidrar med 8 mill kr. over programmet for fri prosjektstøtte til humanistiske fag. Det skal tilsetjast to stipendiatar, pluss vitskaplege assistentar. Gunnstein Akselberg er prosjektleiar i 25 % stilling. Helge Sandøy er knytt til prosjektet i 10 % stilling, og Gjert Kristoffersen, som også har vore med og utvikla prosjektet, skal vere med i styringsgruppe.

To av i alt fem databasar som fekk midlar frå forskingsrådet sitt program for forskings­infrastruktur  har deltaking frå LLE. Medieval Norwegian Text Corpus skal administrerast frå UiO, men Odd Einar Haugen som sentral deltakar. Tildelt 7 mill kroner. Infrastructure for the Exploration of Syntax and Semantics blir administrert av Uni Digital (tidlegare Aksis)  i samarbeid med LLEs språkteknologimiljø. Prosjektet er tildelt 19 mill. kr. Victoria Rosén er koordinator, også Helge Dyvik og Koenraad de Smedt vil bidra.

Også tildelingar frå HERA

HERA står for ”The Humanities in the European Research Area”, og er eit samarbeids­prosjekt mellom 15 europeiske forskingsråd og European Science Foundation (ESF). Målsetsetjinga er å styrke og synliggjere humanistisk forsking og fremje europeisk forskingssamarbeid. LLE var involvert i to søknader i 2009, som begge fekk tildelt midlar.

Developing a Network-Based Creative Community; Electronic Literature as a Model of Creativity and Innovation in Practice (ELMCIP) har ei samla på 1 mill Euro over tre år, av dette omlag 300 000 Eurosatt av til LLE. Scott Rettberg er prosjektleiar for heile prosjektet. LLE skal ha ein post.doc, pluss forskningsassistent og teknikar. Også Jill Walker skal bidra.

Photographs, Colonial Legacy and Museums in Contemporary European Culture (PhotoCLEC) Prosjektleiinga er lagt til University of the Arts London. Sigrid Lien har ansvar for den norske delen med ei ramme på omlag 175 000 Euro, til ein post.doc. i 80 % stilling i 18 mnd, og forskningsassistent i 20 % stilling i eitt år.

Endeleg har EU løyvd 30 mill. kr. til forskerutdanning gjennom CLARA-nettverket, der Koenraad de Smedt er koordinator.