Opptak til master i internasjonal helse

Søknad om opptak til master i internasjonal helse må gjerast via søknadsweb. Alle som har norsk personnummer kan bruke Søknadsweb. Du vil seinare kunne logge deg på igjen og sjå kor langt behandlinga av søknaden din har kome.

Som del av opptaksgrunnlaget vert det krevd ei spesialisering innan helse på minst 90 studiepoeng. Studentar med internasjonal erfaring blir prioritert. Det er berre opptak til master i internasjonal helse ein gong kvart år. Søknadsfristen er 15. april. Har du spørsmål om masterprogrammet kan du kontakte: Senter for internasjonal helse. Tlf: +47 55 58 85 60 eller e-post: post@cih.uib.no 

Etter at søknaden er registrert på søknadsweb, vil du få eit omslagsark tilsendt i posten. Saman med omslagsarket må du leggja ved attesterte kopier av vitnemål, karakterutskrifter frå all høgare utdanning samt svare på spørsmåla på arket. Frist for ettersending av dokumentasjon er 1. juli. Dette gjeld berre dei som har tatt eksamenar der sensuren fell etter 1. juni, all anna relevant dokumentasjon må sendast innan søknadsfristen 15.april.

Papira må sendast til følgjande adresse innan 15.april:

Universitetet i Bergen
Senter for internasjonal helse
v/studiekonsulent
Postboks 7804
5020 Bergen

Merk konvolutten "Søknad til masterstudiet"