Nordisk språk 1: Moderne språk

Lågaregradsemne

Emnebeskrivelse

Mål og innhald

Emnet har tre hovudtema: grammatikk, språkbruk og andrespråkslæring.

Desse temaa blir studerte med eit dobbelt siktemål. På den eine sida skal studenten utvikle eigen kunnskap og innsikt på det språkvitskaplege området.

På den andre sida skal studenten utvikle forståing for korleis eigen språkkompetanse, innsikt i språket og innsikt i eigne læringsprosessar kan vere bidrag i arbeidet med å leggje til rette for språklæringa til elevane.

Sentrale fagdidaktiske moment i studiet som heilskap er kjennskap til læreplanar, kompetansemål, undervisning i grunnleggande ferdigheiter, tilpassa opplæring, vurdering av læringsutbytte, bruk av digitale verktøy i undervisninga og refleksjon omkring eigen læringsprosess og eigen undervisningspraksis.

Læringsutbyte

Ein student som har gjennomført emnet, skal ha dette læringsutbytet:

Kunnskap: Kandidaten

  • har god kunnskap om norsk grammatikk (korleis ord og setningar er bygde opp)
  • har god kunnskap om den språklege oppbygginga av tekstar (bådeinnhald og form)
  • har god kunnskap om norsk som andrespråk (innlærarspråk og andrespråkslæring)
  • har god kunnskap om læreplanane for norskfaget, med vekt på kompetansemål som rører ved språkstruktur, tekststruktur og språklæring
  • har god innsikt i korleis språklege læringsprosessar kan fremjast i opplæringa, både fagspesifikt og i utviklinga av grunnleggande ferdigheiter

Dugleik: Kandidaten

  • kan bruke kunnskapane som er omtalte ovanfor, i eigne analysar, drøftingar og vurderingar av språkleg materiale
  • kan bruke kunnskapane som er omtalte ovanfor, i eigen yrkespraksis
  • kan reflektere over innhaldet i faget, og drøfte tilhøvet mellom lærings- og undervisningsmåtar i norsk språk, også knytt til eigen yrkespraksis
  • kan skrive både bokmål og nynorsk korrekt og godt

Generell kompetanse: Kandidaten

  • har innsikt i norsk språk som forskingsfag og undervisningsemne og tilhøvet mellom dei
  • har innsikt i grammatikk, tekststruktur og andrespråkslæring frå eit danningsperspektiv
  • har innsikt i norskfaget si rolle i skulen og samfunnet

Fulltid/deltid

-

Studiepoeng, omfang

15

Studienivå (studiesyklus)

Bachelor

Undervisningssemester

Vår

Undervisningsstad

Bergen
Krav til forkunnskapar
Studentane skal vere lærarar med pedagogisk bakgrunn i samsvar med krava i rammeplanane for lærarutdanninga. Dei må dessutan vere tilsette i skolen i studieperioden.
Tilrådde forkunnskapar
-
Studiepoengsreduksjon
-
Krav til studierett
Emnet er ope for dei som har fått opptak gjennom Kontor for etter- og vidareutdanning
Arbeids- og undervisningsformer

Undervisninga er konsentrert til samlingar på to dagar og kombinerer førelesingar med seminar.

Nettbasert undervisning.

Rettleiing på mappeoppgåver.

Både undervisninga og vurderinga føreset at studentane følgjer emneprogresjonen og arbeider aktivt med lærestoffet.

Obligatorisk undervisningsaktivitet

Levering av to oppgåver innan fastsette fristar i samband med samlingane, ei oppgåve på nynorsk og ei på bokmål.

Éi av oppgåvene føreset arbeid med utprøving av ny disiplinfagleg og fagdidaktisk kunnskap og med kunnskapsdeling i eige kollegium

Vurderingsformer

Heimeeksamen 7 dagar.

Målform nynorsk.

I samsvar med nasjonale retningslinjer blir det lagt vekt på korrekt og god språkbruk.

Karakterskala
Karakterskala A - F
Vurderingssemester
Haust og vår
Litteraturliste
Pensumet skal svare til ca. 1000 sider av normal vanskegrad.
Emneevaluering
Emneevalueringar blir gjennomførte i tråd med UiBs kvalitetssikringssystem.
Hjelpemiddel til eksamen
-
Programansvarleg
Programutval for nordisk
Emneansvarleg
-
Administrativt ansvarleg
Institutt for lingvistiske, litterære og estetiske studier
Institutt

Institutt for lingvistiske, litterære og estetiske studium

E-post: studierettleiar@lle.uib.no