Gruppa er leia av professor Ingunn Elise Myklebust og professor Sigrid Eskeland Schütz, og er samansett av personar som arbeider med ulike forvaltningsrettslege problemstillingar.
Deltakarane i forskargruppa er mellom dei fremste i Norden på sine respektive fagfelt innanfor alminneleg og spesiell forvaltningsrett. Forskarar i gruppa som har spesialkompetanse i EU-rett, må også seiast å vere mellom dei fremste i Europa på dei spørsmåla som dei arbeider med.
Ønskjer du å skrive stormaster innan forvaltningsrett?
Vi ønskjer til ei kvar tid å knyte til oss engasjerte studentar som vil skrive si masteroppgåve innanfor eit av våre fagområde. Som masterstudent knytt til vår forskargruppe vil du kunne få verdifullt utbyte av forskargruppa sine ressursar, både i form av tilbakemeldingar og vegleiing.