The Republican Theory of Freedom and Government

Den irske filosofen Philip Pettit har gjort seg bemerka med ei lang rekke solide arbeider om den fridomstradisjonen, nemleg den ny-romerske eller republikanske tradisjonen, som har har røter i den romerske antikken, til dømes hjå Cicero og som ein finn att i tekstane til Machiavelli, og viktigast av alt: i opptakten til nokre av dei største samfunnsendringane i historia, som dei engelske, nord-amerikanske og franske revolusjonane, og ikkje minst i den norske grunnlova, i arbeiderrørsla og i feminismen. Pettit er kjend for å ta utgangspunkt i Henrik Ibsen sine skodespel 'Et Dukkehjem' og 'Hedda Gabler' når han fortel om denne måten å tenke om fridom på, av di Ibsen nettopp satte på agendaen korleis kvinner på 1800-talet var avhengig av å få ektemannens samtykke for alt dei ynskte å gjere, og at dei dermed var ufrie.