UPED620 Basismodul
Kurset er ope for tilsette i vitskaplege stillingar ved Universitetet i Bergen. Nytilsette i faste vitskaplege stillingar har førerett til deltaking.
Hovedinnhold
Modulen har som overordna mål å bidra til at Universitetet i Bergen reflekterer over lærings- og undervisingsspørsmål med utgangspunkt i forskingsbasert og erfaringsbasert kunnskap om læring og undervisning i høgare utdanning.
Modulen har tre grunnkomponentar:
1: Erfaringsbasert læring. Modulen tek utgangspunkt i deltakaranes eigne erfaringar som studentar og lærarar i høgare utdanning, og i dei ulike typar læringsaktivitetar deltakarane er med på i modulen.
2: Kritisk refleksjon. Deltakarane reflekterer over og analyserer læringsmiljø og undervising i høgare utdanning med hovedfokus på studentar si læring.
3: Kollegarettleiing i undervisningen. Deltakarane diskuterer, samarbeider og observerer kvarandres undervising som ledd i å være medlemmer av et bredt fellesskap av undervisarar ved universitetet.
Innhald: Oppfatningar om læring og undervising, studentfaktorar i læringsprosessen, studentaktive læringsformer, design av gode læringsmiljø, vurdering og evaluering, utdanningspolitiske dokument.
Modulen har 6 undervisingsdagar på 7 timar og 2 kollegabesøk på 3 timar. Undervisinga er samansett av 2 samlingar på 3 dagar med ein mellomperiode på 2-3 månader. Kollegabesøkene føregår i mellomperioden.
Modulen er kullbasert med ca. 20 deltakarar på kvart kull.
For å få godkjent kurset må deltakarane ha delteke på minimum 80% av undervisinga.
