Hjem
Studentsider
erasmus+

Cardinal Stefan Wyszynski University in Warsaw og Det juridiske fakultet (ERASMUS+ - 3. og 5. studieår)

  • LandPolen
  • ByWarszawa
  • Studieplassar3
  • StudienivåBachelor og Master
  • AvtaletypeErasmus+
  • Lengde på opphald1 semester

Hovedinnhold

Om avtalen

Kven kan søke

Denne avtalen kan nyttast av studentar både på 3. studieår og på siste studieår av masterprogrammet i rettsvitskap.

Når i studiet kan eg reise

Studentar som starta på det femårige masterprogrammet hausten 2021 eller seinare kan reise på utveksling i vårsemesteret på tredje studieår. Under utanlandsopphaldet tek du valfrie juridiske emne i staden for emna du ville studert om du var i Bergen.

I tillegg kan alle jusstudentar, både dei på femårig og dei på toårig masterprogram, reise på utveksling i sitt siste studieår. Under dette utanlandsopphaldet fullfører du spesialemna dine, og i nokre tilfelle også masteroppgåva.

Under overskrifta "kven kan søke" finn du ut om utvekslingsavtalen gjeld for studentar på tredje eller på femte studieår, eller begge.

Språk

Undervisningsspråket ved vertsuniversitetet er polsk, men det finst òg eit avgrensa emnetilbod på engelsk.

Universitetet tilbyr språkkurs i polsk for internasjonale studentar.

Kva emne kan eg ta

Ved dette universitetet kan du ta juridiske emne som blir godskrivne som valemne på 3. studieår (2021-studieordninga) eller spesialemne på siste studieår i masterprogrammet i rettsvitskap (2003-studieordninga og 2021-studieordninga).

På universitetet sine nettsider finn du lenke til ei oversikt over juridiske emne som universitetet tilbyr.

Cardinal Stefan Wyszynski University nyttar ECTS-systemet, og ein ECTS-credit er det same som eitt studiepoeng.

Det er ein føresetnad at emna du vel ikkje overlappar innhaldsmessig med emne du har tatt tidlegare, eller planlegg å ta seinare ved UiB.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Cardinal Stefan Wyszynski University er eit statleg universitetet nord i Warszawa, som vart grunnlagt i 1999. Det har historisk sterke band til den romersk-katolske kyrkja og vektlegg særskilt studium i teologi, kanonisk rett og kristen filosofi. Det har likevel òg eit stort fagtilbod som ikkje er knytt til religion. Universitetet har 19 000 studentar og ni fakultet, fordelte på to campusar.

Warszawa er hovudstad i Polen og landets største by, med i underkant av to millionar innbyggarar. Av desse er rundt 300 000 studentar. Byen ligg på begge sider av elva Wisla, på den masoviske sletta 78-121 moh. i det polske innlandet. Warszawa er eit viktig økonomisk knutepunkt i Aust-Europa. Opp gjennom historia har han blitt hardt råka av mange krigar, og han vart nesten totaløydelagd under andre verdskrig. Men ettersom han alltid har reist seg att, har byen fått tilnamnet Føniksbyen.

Bustad

Universitetet har eigne studentbustader og hjelper internasjonale studentar med å finne rom.

Semesterinndeling

September - februar og februar - juni.

Studentar på campus
Foto/ill.:
© Cardinal Stefan Wyszynski University in Warsaw

Informasjon