Designskolen Kolding og Institutt for design (ERASMUS+)

Om lærestaden

Om lærestaden og byen

Designskolen Kolding har ei historie som strekk seg tilbake til 1970-talet. Designskolen Kolding tilbyr bachelor- og mastergrader i design og har om lag 340 studentar. Skulen er kjend for si innovative designutdanning og eit internasjonalt studiemiljø. Skulen sine studentar deltar i mange internasjonale konkurransar. Sidan 2012 har Designskolen Kolding stilt ut på verdas leiande designmesse Il Salone i Milano.

Kolding er ein hamneby i Sydjylland i Danmark. Her bur det omkring 58 000 menneske. Kolding blir omtalt som ein av Danmarks venlegaste byar. Byen byr på vakre gamle bygningar og middelalderborga Koldinghus, Jyllands siste kongeborg. Ein storbrann i 1808 la borga i ruinar, men mange års restaurering har gjort staden til eit flott senter for kunst. I Kolding ligg Trapholt, eit velrenommert museum der det er samla både bildekunst, kunsthandverk, designprodukt og møbeldesign, med utstillingar av både internasjonale og danske kunstnarar.

Bustad

Designskolen Kolding har ingen eigne studentbustadar.

Semesterinndeling

august - desember

januar - juni