Kvalitetssikring og studiekvalitet
Det viktigaste grunnlaget for utdanningskvaliteten ved universitetet er at utdanninga er forskingsbasert, at ein vektlegg oppdaterte kunnskapar i alle fag og har vilje til pedagogisk kvalitet. Evaluering og tolking av evalueringstiltak er viktige føresetnader for kvalitetsutvikling. Kvalitetsarbeidet innan forsking og utdanning er ein del av den løpande akademiske debatten.
Rektor Sigmund Grønmo
Handbok for kvalitetssikring
Handbok for kvalitetssikring av universitetsstudia skal tene som grunnlag for det systematiske arbeidet ved universitetet med vedlikehald og vidareutvikling av kvaliteten i utdanningane. Handboka kan lastast ned her.
Kvalitetssystemet for utdanningsverksemda skal fremja studentane sine moglegheiter for å lukkast i studieløpet. Ved Universitetet i Bergen skal arbeidet med sikring og utvikling av studiekvaliteten vera ein integrert del av kvardagen både for studentar og tilsette.
Kvalitetsarbeidet skjer etter ein plan som er basert på kontinuitet og overblikk. God studentmedverknad, jamnlege emne- og programevalueringar, sikring av læringsmiljø og endringsprosessar og tilpassing til nasjonale og internasjonale regelverk er sentrale element i UiB sitt kvalitetssystem. Kvalitetsarbeidet vert oppsummert og drøfta i dei årlege utdanningsmeldingane.