Årsstudium, kunsthistorie

Introduksjon

Vil du supplere tidlegare utdanning? Vi du førebu deg til eit nytt studium i utlandet?

Eit årsstudium i kunsthistorie er først og fremst retta mot deg som allereie har teke eit studium på høgskole- eller universitetsnivå tidlegare. Studiet er bygd opp av emne på til saman 60 studiepoeng.

Du studerer historia til den visuelle kunsten, i hovudsak biletkunst, skulptur og arkitektur. 

Studievegar

Dersom du har planar om å studere ved UiB i meir enn eitt år, bør du søkje opptak til eit bachelorprogram.

Overgangsordninger

Du har høve til å byte studieprogram haust og vår. Informasjon om kva for program som er opne for intern overgang og korleis du søkjer, finn du på uib.no/utdanning.

Oppbygging

Studiet inneheld fire emne, kvart emne er på 15 studiepoeng. Du tar to emne kvart semester.  

Haust

KUN123 og KUN124

Vår

KUN121 og KUN122. 

Søknadsprosedyre

Søknad gjennom Samordna opptak, med søknadsfrist 15.april for oppstart om hausten 

Opptakskrav

Generell studiekompetanse eller realkompetanse

Poenggrense ved siste opptak

Ordinær kvote: 56,1. Kvote for førstegangsvitnemål: 43,8.

Poenggrenser er oppgitt der talet på søkjarar er høgare enn talet på studieplassar.

Overgangsordninger

Du har høve til å byte studieprogram haust og vår. Informasjon om kva for program som er opne for intern overgang og korleis du søkjer, finn du på uib.no/utdanning.

Antall studieplasser

30

Meir informasjon

Ønskjer du å vite meir ta kontakt med studierettleiar:

studierettleiar@hf.uib.no
55 58 93 70

Mål og innhald

Årsstudiet i kunsthistorie skal gi føresetnader for å forstå kunsten som eit estetisk, historisk og sosialt fenomen. Eit årsstudium i kunsthistorie gir ei ålmenn innføring i den historiske utviklinga av disiplinane måleri, skulptur, arkitektur og kunsthandverk frå antikken og fram til vår eiga tid i Europa, og frå nyare tid også i USA.

Feltet vi utforskar er historia til biletmedia frå antikken til i dag - måleri, skulptur, moderne sjangrar som fotografi, film og elektroniske bilete, og dessutan andre visuelle uttrykk som vi kan finne i den institusjonaliserte kunsten: Arkitekturhistorie og bygningsvern, kunsthandverk, kunstindustri og design.

Tilrådde forkunnskapar

Generell studiekompetanse. Det er òg mogeleg å søkje opptak på grunnlag av realkompetanse

Undervisning

Undervisninga vert gitt i form av førelesingar. I tillegg til førelesingane vil det bli gitt tilbod om kurs i oppgåveskriving. Dersom ressursane tillet det, vil det bli organisert kollokviegrupper leia av timelærarar eller undervisningsassistentar.

Vurdering / Eksamensformer

Studentane vil bli prøvd på ulike måtar, til dømes med skuleeksamen, heimeoppgåve og munnleg presentasjon. Ein viser til studieplanane for dei enkelte emna for nærare informasjon.

Yrkesvegar

Eit årsstudium i kunsthistorie gjev fagleg bakgrunn for museumsarbeid, formidling og kulturarbeid t. d. i kulturskular og offentleg forvaltning.

Oppstart

haust.

Planforslag

Eit årsstudium i kunsthistorie er bygd opp av fire obligatoriske emne på 100 nivå. Kvart valemne er på 15 studiepoeng. I det første semesteret tek studentane dei obligatoriske emna KUN123 og KUN124. I det andre semesteret tek studentane emna KUN121 og KUN122.

Årsstudiet i kunsthistorie inngår i spesialiseringa i kunsthistorie på BA-nivå.

 Om våren går desse emna:

KUN121-Kunst og arkitektur i antikk og mellomalder (ca. 600 f.Kr.-1400)

KUN122 -Kunst og arkitektur i tidleg nytid (1400-1750)

Om hausten går desse emna:

KUN 123- Biletkunst, arkitektur og visuell kultur i nyare tid (1750-1900)

KUN124 - Kunst og arkitektur - moderne tid og samtid (1900-i dag)