English A A A
Studieprogram

Årsstudium i sosialantropologi

ingressbilde

Programmet tilbys av

Introduksjon

Sosialantropologi er eit samanliknande studium av kultur og samfunn. Antropologar studerer mellom anna sosiale fellesskap, rituelle handlingar, etniske grenser, politiske konfliktar og relasjonar mellom natur og samfunn.

Opptak til årsstudium gir studierett i eitt år (60 studiepoeng). Du tek til saman 30 studiepoeng kvart semester. Du kan studere alle opne emne innan samfunnsfaga våre.

Det er tre måtar å fylle eit årsstudium på:

  1. Du kan studere emne frå eitt fag.
  2. Du kan setje saman emne som gir deg undervisningskompetanse i eit fag i vidaregåande skole.
  3. Du kan fritt setje saman opne emne frå ulike fag ved Universitetet i Bergen.

Målgruppe

Vil du supplere tidlegare utdanning? Ønskjer du undervisningskompetanse i eit nytt fag? Kanskje du vil førebu deg til eit nytt studium i utlandet? Eit årsstudium i samfunnsvitskaplege fag er først og fremst retta mot deg som allereie har teke eit studium på høgskole- eller universitetsnivå. Dersom du ønskjer eit lengre studium bør du velje eit bachelorprogram.

Årsstudiet i sosialantropologi gir undervisningskompetanse i ungdomsskulen og i vidaregåande skule i samfunnsfag og samfunnskunnskap dersom du fyller eit heilt år med tilrådde emne frå faget .

Studievegar

Avlagde eksamenar vil kunne brukast i ein bachelorgrad dersom du går over til eit bachelorprogram på eit seinare tidspunkt . Dette gjeld spesielt for dei «frie» bachelorprogramma der det er stor grad av valfridom i delar av studiet . Når du er teken opp på eit årsstudium er det mogleg å søkje intern overgang til dei «frie» bachelorprogramma.

Oppbygging

1. semester:

SANT104 Kultur, meining og kommunikasjon (15 studiepoeng)

SANT105 Maktas uttrykk og løyning (15 studiepoeng)

2. semester:

SANT102 Sosialt liv i globalt perspektiv (15 poeng)

SANT103 Materialitet: miljø, stad og økonomi (15 poeng)

For studentar som ikkje ønskjer undervisningskompetanse anbefalast følgjande kurs i første semester (haust):

SANT100 Invitasjon til sosialantropologi (10 studiepoeng), Ex.phil (10 studiepoeng) og

SV100 Samfunnsvitskapelig tenkjemåtar (10 studiepoeng)

Emnesamansetjing for undervisningskompetanse i samfunnsfag

Studentar som skal kvalifisere til samfunnsfagdidaktikk må ha minst 60 studiepoeng fordjuping i henholdsvis samanliknande politikk, sosiologi, sosialantropologi eller administrasjon og organisasjonsvitskap. Det er også mogleg å ta ein kombinasjon av emne fra dei fire faga og samfunnsøkonomi. Tabellen under viser dei to alternativa:

Alternativ 1:

Studenten må ha 60 studiepoeng fordjuping innan eit av fagområda administrasjon og organisasjonsvitskap, samanliknande politikk, sosiologi eller sosialantropologi. Se studieplanen til det enkelte årsstudiet for detaljert oversikt over kva emne som inngår.

Alternativ 2:

Studenten må ha 60 studiepoeng satt saman på følgjande måte: Studenten må ha 30 studiepoeng innan ein av følgjande emnekombinasjonar:I tillegg kan studenten velgje fritt 30 studiepoeng frå emne som inngår i følgjande årsstudier:
  • Årsstudiet i administrasjon og organisasjonsvitskap
  • Årsstudiet i samanliknande politikk
  • Årsstudiet i sosiologi
  • Årsstudiet i sosialantropologi
  • I tillegg godtas emna ECON110, ECON130, ECON210 og ECON230.

Merk: SV100, AORG100, ECON100, GEO100, INFO100, MEVI100, SAMPOL100, POLØK100, SANT100, GLOB101 og SOS100 er innføringsemne og tel ikkje som opptaksgrunnlag for PPU.

Søknadsprosedyre

For søkjarar med generell studiekompetanse er søknadsfristen 15. april.

For spesielle søkjargrupper og for søkjarar med realkompetanse er fristen 1. mars.

Du søkjer gjennom Samordna opptak (SO). Du finn søknadsskjema og meir informasjon på nettet: www.samordnaopptak.no

Søk opptak til Universitetet i Bergen og til årsstudiet i sosialantropologi.

Opptakskrav

Generell studiekompetanse eller realkompetanse.

Poenggrense ved siste opptak

For poenggrenser ved forrige opptak, sjå www.samordnaopptak.no

Antall studieplasser

20 (talet på studieplassar kan bli justert).

Meir informasjon

Ønskjer du å vite meir, sjå studere.uib.no/samfunn eller ta kontakt med studierettleiar:
studierettleiar.svfa@uib.no
55 58 94 51 / 55 58 98 50

Institutt for sosialantropologi
studierettleiar@sosantr.uib.no
55 58 92 50

Omfang

Studiet er eittårig (60 studiepoeng).

Undervisningsspråk

I hovudsak norsk.

Studiestart

Haust

Mål og innhald

Sosialantropologi er ein sentral disiplin i det globalt samanliknande studiet av kultur og samfunn. Sosialantropologar undersøkjer det kulturelle mangfaldet blant menneske verda over og dei sosiale prosessane som utfaldar seg i dette globale mangfaldet. Faget er difor vidt tematisk - all menneskeleg verksemd og kunnskap er interessant når sosialantropologar freistar å forstå variasjon, samanheng og endring i samfunn og kultur. Dette kjem òg til syne i faget sitt geografiske spenn. Sosialantropologar forskar overalt i verda og har ein særskilt tradisjon for studiar av ikkje-vestlege samfunn, men faget bidreg òg i høg grad til kunnskap om kultur, samfunn og organiseringsformer i Noreg og andre vestlege samfunn. Metodisk vektlegg faget feltarbeid, komparasjon og heilskapelege perspektiv. Under feltarbeid oppheld sosialantropologar seg i lang tid (månader eller år) i nært samliv med menneske for å få innsikt i liva deira. Den komparative metode tyder at sosialantropologar handsamar sine data ved å samanlikne med livsforhold andre stadar, òg forskaren sitt eige samfunn. Og, det heilskapelege overgripande blikket inspirerar sosialantropologar til å tenkje på tvers av livsområde (familieliv, økonomi, politikk, religion osv.) som gjerne handsamast meir isolert i andre fag. Sosialantropologi har i særskilt grad tilgjenge på menneske sine kvardagserfaringar, gjerne blant grupper som ikkje er i ålmenta sitt søkelys. Den djupe innsikta faget gjev i uvante tenkemåtar og levevis legg såleis grunnlag for kritiske og alternative perspektiv på eige samfunn.

Årsstudiet gjev innsikt i sosial og kulturell variasjon verda over og har som mål å gje studenten nokre metodiske og teoretiske reiskapar for å analysera strukturar, institusjonar og prosessar i mellommenneskeleg liv. Målsetjinga er for det første å gje ei brei og grunnleggjande innsikt i korleis menneske utformar og formast av røyndomsoppfatningar og samfunnsmessige forhold på ulike livsområde.

Tema som handsamast er mellom anna slektskap, ekteskap, familie, sosiale nettverk og andre former for organisering av kvardagslivet; former for ulikskap som til dømes kjønn, kaste, klasse og etnisitet; tilpassingar til miljøet gjennom produksjonsformer, bytte og konsum; makt, legitimering, motstand og politisk spel; verdsbilete, magi, hekseri, religion og ritual, og kvardagslivet sitt forhold til stat, nasjon, migrasjon, globalisering og utviklingsprosessar. I tillegg til denne breie globale handsaminga av sentrale tematikkar i menneske sine livstilhøve får studenten òg meir djuptgåande kjennskap til sosiale og kulturelle særtrekk i to verdsregionar. For det tredje problematiserar årsstudiet tilhøvet mellom teori og empiri gjennom å leggje vekt på korleis ulike teoretiske perspektiv på røynda gjev ulike forståingar av sosialt og kulturelt mangfald.

Læringsutbyte/resultat

Etter årsstudiet i sosialantropologi skal studenten ha tileigna seg kunnskap om ei rekkje menneskelege livsformer verda over som til vanleg ikkje er i ålmenta sitt søkelys. Studenten skal kunne gjere greie for alternative forståingar og praksisar på ulike livsområde og vere i stand til å reflektere over konvensjonar i eige samfunn i kontrast til desse. I tillegg til denne breie globale forståinga av livsforholda til menneske skal studenten ha ei djupare etnografisk innsikt i to regionar av verda. Studenten skal vidare kunne gjere greie for nokre av dei sentrale teoretiske perspektiva som ligg til grunn for ulike forståingar av kultur og samfunn innan sosialantropologi, og gjere bruk av sentrale fagomgrep i analysar av mellommenneskelege forhold på utvalte livsområde. Studenten skal òg ha etablert ei grunnleggjande forståing av sentrale metodar i faget, særskilt feltarbeid.

Opptakskrav

Generell studiekompetanse eller realkompetanse.

Rekkefølje for emne i studiet

1. semester:

SANT104 Kultur, meining og kommunikasjon (15 studiepoeng)

SANT105 Maktas uttrykk og løyning (15 studiepoeng)

 

2. semester:

SANT102 Sosialt liv i globalt perspektiv (15 poeng)

SANT103 Materialitet: miljø, stad og økonomi (15 poeng)

 

For studentar som ikkje ønskjer undervisningskompetanse anbefalast følgjande kurs i første semester (haust):

SANT100 Invitasjon til sosialantropologi (10 studiepoeng), Ex.phil (10 studiepoeng) og

SV100 Samfunnsvitskapelig tenkjemåtar (10 studiepoeng) 

 

Emnesamansetjing for undervisningskompetanse i samfunnsfag

Studentar som skal kvalifisere til samfunnsfagdidaktikk må ha minst 60 studiepoeng fordjuping i henholdsvis samanliknande politikk, sosiologi, sosialantropologi eller administrasjon og organisasjonsvitskap. Det er også mogleg å ta ein kombinasjon av emne fra dei fire faga og samfunnsøkonomi. Tabellen under viser dei to alternativa:

 

Alternativ 1:

Studenten må ha 60 studiepoeng fordjuping innan eit av fagområda administrasjon og organisasjonsvitskap, samanliknande politikk, sosiologi eller sosialantropologi. Se studieplanen til det enkelte årsstudiet for detaljert oversikt over kva emne som inngår.

Alternativ 2:

Studenten må ha 60 studiepoeng satt saman på følgjande måte:

 

Studenten må ha 30 studiepoeng innan ein av følgjande emnekombinasjonar:

 

I tillegg kan studenten velgje fritt 30 studiepoeng frå emne som inngår i følgjande årsstudier:

  • Årsstudiet i administrasjon og organisasjonsvitskap
  • Årsstudiet i samanliknande politikk
  • Årsstudiet i sosiologi
  • Årsstudiet i sosialantropologi
  • I tillegg godtas emna ECON110, ECON130, ECON210 og ECON230.

 

 

Merk: SV100, AORG100, ECON100, GEO100, INFO100, MEVI100, SAMPOL100, POLØK100, SANT100, GLOB101 og SOS100 er innføringsemne og tel ikkje som opptaksgrunnlag for PPU.

 

 

Delstudium i utlandet

Årsstudium opnar ikkje for moglegheit til å ta deler av studiet i utlandet.

Undervisningsmetodar

Undervisninga vil normalt bestå av førelesingar og seminarundervisning i mindre grupper i kombinasjon med tilbakemelding på skriftelege arbeid undervegs i studiet.

Vurderingsformer

Emna som inngår i det tilrådde studieløpet nyttar i hovudsak obligatoriske oppgåver samt skuleeksamen.

Karakterskala

Emna som inngår i det tilrådde studieløpet vert karaktersett med bestått / ikkje bestått (obligatoriske oppgåver) samt bokstavkarakterar A-F (skuleeksamen).

Kompetanse for vidare studium

Eit årsstudium kan inngå i ein bachelorgrad som eitt av tre år i denne. Det tilrådde årsstudiet i sosialantropologi kan i si heilskap inngå som eitt år av spesialiseringa i sosialantropologi innan eit bachelorprogram med spesialisering i sosialantropologi. Det vil vere høve til å søkje om intern overgang frå årsstudiet til bachelorprogrammet.

Yrkesvegar

Årsstudiet i sosialantropologi har som mål og utdanne kandidatar som kan ta på seg oppgåver i samfunnet der det er behov for ekspertise på sosiokulturelle tilhøve - i Noreg eller utlandet. Studiet gjev ei særskilt innsikt i kulturelle og organisatoriske tilhøve i ulike miljø som sjeldan er i ålmenta sitt søkjelys. Årsstudiet gjev undervisningskompetanse i samfunnsfag innan det offentlege skuleverket.

Evaluering

Evalueringa av årsstudiet er regulert gjennom generelle kvalitetssikringsrutinar. Emna som inngår i studiet blir evaluert av studentar og faglærarar regelmessig.

Adminstrativ ansvarleg

Institutt for sosialantropologi

E-post: studieveileder@sosantr.uib.no

Heimeside: http://www.uib.no/antro/

ÅRSV-SANT/Årsstudium i sosialantropologi
SP = studiepoeng, S = semester, A = anbefalt semester
Emnevalg årsstudium i sosialantropologi (krav: 60 SP)
Det er flere måter å sette opp et årsstudium på. Årsstudium med spesialiseringsemner anbefales studenter med tidligere studieerfaring (minst 10 studiepoeng fra universitet eller høyskole). Årsstudium med innføringsemner og Ex.phil anbefales studenter uten tidligere studieerfaring. Du kan også velge fritt blant åpne emner ved UiB som til sammen utgjør 60 studiepoeng. Veivalget kan endres senere dersom du ombestemmer deg.
Årsstudium med spesialiseringsemner (krav: 60 SP)
Emnesamansetjinga kvalifiserer til opptak til samfunnsfagdidaktikk (gir undervisningskompetanse).
    Obligatorisk emne
Emnekode Emnetittel SP S A
SANT102 Sosialt liv i globalt perspektiv 15 1-2 2
SANT103 Materialitet: miljø, stad og økonomi 15 1-2 2
SANT104 Kultur, meining og kommunikasjon 15 1-2 1
SANT105 Makt: uttrykk og løyning 15 1-2 1
Årsstudium med innføringsemne og Ex.phil. (krav: 60 SP)
Anbefales studenter uten tidligere studieerfaring
    Obligatorisk emne
Emnekode Emnetittel SP S A
EXPHIL-SVEKS Examen philosophicum- skuleeksamen 10 1
SANT100 Examen facultatum - Invitasjon til sosialantropologi 10 1
SV100 Examen facultatum - Samfunnsvitskaplege tenkemåtar 10 1
SANT102 Sosialt liv i globalt perspektiv 15 1-2 2
SANT103 Materialitet: miljø, stad og økonomi 15 1-2 2
Vel fritt blant emne som til saman utgjer 60 studiepoeng (krav: 60 SP)
Emnesamansetjing for undervisningskompetanse i samfunnsfag. Alternativ 1: 60 sp fordjuping innan eit av fagområda administrasjon og organisasjonsvitskap, samanliknande politikk, sosiologi eller sosialantropologi. Se studieplanen til det enkelte årsstudiet for detaljert oversikt over kva emne som inngår.
Alternativ 2:
60 studiepoeng satt saman på følgjande måte: 30 studiepoeng innan ein av følgjande emnekombinasjonar:
SAMPOL110,
SOS101 og SOS103
AORG103 og AORG104
2 av følgjande 4 emne: SANT102, SANT103, SANT104 og SANT105.
I tillegg kan studenten velgje fritt 30 studiepoeng frå emne som inngår i følgjande årsstudier:
Årsstudiet i administrasjon og organisasjonsvitskap
Årsstudiet i samanliknande politikk
Årsstudiet i sosiologi
Årsstudiet i sosialantropologi
I tillegg godtas emna ECON110, ECON130, ECON210 og ECON230.
Merk: SV100, AORG100, ECON100, GEO100, INFO100, MEVI100, SAMPOL100, POLØK100, SANT100, GLOB101 og SOS100 er innføringsemne og tel ikkje som opptaksgrunnlag for PPU (Praktisk pedagogisk utdanning).