Bachelorprogram i japansk

Introduksjon

Kor lang tid tar det å lære seg japansk, med alle dei kompliserte skriftteikna? Er Japan eit homogent samfunn eller har dei minoritetar? Kva slags religionar finst i Japan? Korleis er det historiske, språklege og kulturelle forholdet mellom Japan, Kina og Korea?

Det er ikkje så ofte norske media melder om nyhende frå eller anna stoff om Japan, og for mange verkar landet framleis ganske fjernt. Med internett har likevel Japan kome mykje nærmare enn før, ikkje minst gjennom populærkultur i ulike sjangrar.

Bachelorprogrammet i japansk vil hjelpe deg med å opne hovuddøra til denne kreative og fascinerande kulturen. Nøkkelen går gjennom det japanske språket, som er svært ulikt vårt eige, og som er lett og vanskeleg på same tid. Programmet sitt hovudfokus er kunnskap om og dugleik i japansk språk, både munnleg og skriftleg. Du vil òg få breiare kunnskapar om historie, kultur og samfunn, både ved hjelp av norsk og gradvis gjennom det japanske språket.

Visste du at ...

Ein kan få kjøpt brunost på velassorterte supermarknader i Japan? Vanlegvis under namnet «Ski Queen».

Studievegar

Bachelor

I tillegg til språklege kunnskapar, fokuserer bachelorstudiet i japansk på kultur, historie og interkulturell kommunikasjon. Vi kan tilby til saman tre semester med japansk, som alle er obligatoriske i programmet. Studentane skal skrive bacheloroppgåve i det fjerde semesteret i programmet.

Master

Det er i dag ikkje mogleg å ta ein mastergrad i japansk ved UiB. For opptak til masterprogrammet i japansk ved Universitetet i Oslo, må ein ha til saman 80 studiepoeng i japansk språk. Ein må derfor ta minst 20 studiepoeng ekstra i japansk språk ved eit japansk universitet gjennom utvekslingsavtalene til UiB for å kunne bli tatt opp. Det er òg mogleg å dra til Japan eller andre land for å ta ein mastergrad i japansk.

Forsking

Forskingskompetansen i japansk ved UiB er språkleg, i skjeringspunktet mellom allmenn lingvistikk, kontrastive studium og omsetting.

Sjå også desse studia

Språk og interkulturell kommunikasjon, kinesisk.

Utveksling

Vi kan tilby eit studieopphald på eit japansk universitet, helst etter det tredje semesteret i japansk spesialisering. Anbefalte samarbeidsuniversitet som kan nemnast er Hokkaido University of Education, Akita International University, Keio University, Waseda University, Ritsumeikan University og Hakuoh University, blant fleire.

Yrkesvegar

Blant sektorar der kompetanse i japansk og kjennskap til Japan er nyttig, kan nemnast næringsliv (for eksempel turistnæringa og fiskeeksport), internasjonalt retta organisasjonar, undervisning, forsking, presse og media. Kandidatar med spesielt god kjennskap til japansk er blant anna å finne i utanrikstenesta eller som sysselsette med bibliotekarbeid eller omsettingsoppgåver.

Ved påbygging til mastergrad får du kvalifikasjonar for vidare studium og for forsking, formidling og undervisning på høgare nivå.

Mål og innhald

Japan er i dag ei økonomisk og politisk stormakt som ikkje berre spelar ei viktig rolle i sin eigen region, Aust-Asia, men òg i ein global samanheng. Japansk kultur, historie og samfunn har gitt opphav til mange uttrykk som er blitt ein del av omgrepsverda vår, frå haiku, zen og karate, til sushi, manga og karaoke. Men framleis er japansk kultur på mange måtar svært ulik vår eigen. Gjennom studiet av japansk møter studenten ei ny og fascinerande verd, der kjente element eksisterer i ein framandkulturell kontekst.

Som tale- og skriftspråk for 126 millionar menneske er japansk det 9. mest talte språket i verda, og det dannar ein naturleg innfallsport til ein kultur der gamalt og nytt lever side om side. Store mengder ny informasjon kan verta tilgjengeleg for dei som lærer å kjenna japansk språk og kultur. Det kulturelle utbytet vil vera vesentleg. Japansk skil seg frå vestlege språk på viktige punkt, og det er både utfordrande og spennande å få innsikt i dette skriftspråket som nyttar to stavingssystem og kinesiske skriftteikn. Det blir òg lagt vekt på praktisk meistring av moderne japansk språk, der studenten får intensiv trening i å snakka, forstå, lesa og skriva japansk. Studenten får elles grunnleggjande kunnskapar om historie, samfunnstilhøve og kultur, ei oversikt over Japan si litteraturhistorie, og moglegheit for fordjuping i eit Japan-relatert tema.

Hovudvekta i studiet vert lagd på språktileigning og språkforståing. Japansk er eit tidkrevjande språk å læra i høve til nære europeiske språk, ikkje minst grunna skriftsystemet. Det er difor viktig å ha eit realistisk bilete av oppnåeleg språknivå. Etter eit års studium skal studentane vera i stand til å halda enkle samtaler om avgrensa tema og skriva enkle stilar ved hjelp av ordbok. Etter to år opplever mange at dei har eit stort passivt vokabular og teiknforråd, men at dei framleis ikkje meistrar alminneleg konversasjon. Vi oppmodar difor studentane til å nytta seg av UiB sine utvekslingsavtaler i løpet av studiet, for å få den rette balansen mellom teoretiske og praktiske språkkunnskapar. Ved å studera ved eit japansk universitet, kan ein òg følgja kurs over eit breitt spekter av kultur- og samfunnsrelaterte tema.

Den historiske og kulturelle konteksten til språket blir tatt hand om av ikkje-språklege emne. Forutan tileigning av solide kunnskapar om og innsyn i ulike sider ved det japanske samfunnet, vil det òg verta gitt oppøving i kritisk lesing av japanskrelaterte tekstar og forståing for ulike faglege tilnærmingar til Japan. Studenten skal dessutan skriva ei rettleidd bacheloroppgåve om eit Japan-relatert tema.

Læringsutbyte/resultat

Dugleik etter eit års studium

• kunna skriva og lesa stavingsalfabeta og rundt 240 skriftteikn.
• ha tileigna seg basisvokabular og basisgrammatikk.
• halda enkle samtaler om avgrensa tema i roleg tempo.
• skriva enkle stilar ved hjelp av ordbok.
• kunna omsetja enkle tekstar frå japansk til norsk.
• kunna greia nivå N5 i Japanese Language Proficiency Test utan problem.

Kunnskapar etter eit års studium

• ha grunnleggjande kunnskap om japansk samfunn og historie, samt innsikt i teoriar og metode innan fagfeltet interkulturell kommunikasjon.
• ha meta-kunnskap om det japanske språket si fonologiske, morfologiske og syntaktiske struktur, samt grunnleggjande kunnskapar om språktypologiske trekk.

Dugleik etter to års studium

• kunna lesa nærmare 700 skriftteikn og skriva over 400.
• ha tileigna seg vokabular og grammatiske former på mellomnivå.
• kunna delta i samtaler om kjente tema i normalt tempo og på vanleg høflegheitsnivå.
• kunna lesa, omsetja og gjengi innhaldet i tekstar av ulike sjangrar og om ulike tema ved hjelp av ordbok.
• kunna orientera seg på japanskspråklege internettsider og henta ut nødvendig informasjon derifrå.
• kunna greia N3 i Japanese Language Proficiency Test utan problem.
• kunna lesa Japan-relaterte engelskspråklege tekstar med kritisk og kunnskapsbasert blikk, samt sjølv leita fram seriøs kjeldelitteratur og produsera akademisk tekst om ein formulert Japan-relatert problemstilling.

Kunnskapar etter to års studium

- ha spesialisert kunnskap om eit avgrensa Japan-relatert felt

- ha kunnskapar om språkleg manifestert høflegheit,

dialektskilnader og sjangertypar, samt kjennskap til ordspråk.

Generell kompetanse etter to års studium

- Kunna forstå eigen kultur i lys av ein annan, og forstå andre kulturar ut frå sin eigen.
- Kunna presentera og diskutera problemstillingar, synspunkt og løysingar, både skriftleg og munnleg.
- Kunna lesa, skriva, snakka og forstå framandspråk på eit mellomnivå.

Opptakskrav

Generell studiekompetanse eller realkompetanse.

Tilrådde forkunnskapar

Ingen.

Innføringsemne

Bachelorprogrammet i japansk inneheld 30 studiepoeng med innføringsemne (førstesemesterstudiet) og er sett saman av:

• Examen philosophicum
• Akademisk skriving
• Språk og kommunikasjon eller Tekst og kultur

Språk og kommunikasjon er sterkt tilrådd.

Bachelorgraden kan ikkje innehalda meir enn 30 studiepoeng innføringsemne.

Obligatoriske emne / spesialisering

Bachelorprogrammet i japansk er 3-årig (180 studiepoeng). Programmet skal innehalda inntil 30 studiepoeng med innføringsemne (ex.phil. og ex.fac.), og 90 studiepoeng med spesialisering i japansk. Dei siste 60 studiepoenga er frie.

Studiet startar med innføringsemna i det første semesteret, følgt av emna JAP010, JAP013 og SPIK101 ved NHH. Emna JAP111, JAP112, JAP211 og JAP251 tek studenten ved UiB.

JAP251 fyller gradskravet om eit sjølvstendig skriftleg arbeid på 15 studiepoeng, jf. Utfyllande reglar for Det humanistiske fakultetet.

Tilrådde valemne

Bachelorprogrammet i japansk inneheld 60 frie studiepoeng. Studenten kan velja emne innanfor skulefag, språkfag, historie- og kulturfag, estetiske fag eller andre fag som er relevante for studenten si vidare utdanning eller yrkesplanar.

Instituttet tilrår utvekslingsopphald ved eit japansk universitet.

Rekkefølje for emne i studiet

Tilrådd rekkjefølgje for emne i studiet:

1. semester (H): Førstesemesterstudiet ex.phil. og ex.fac. (30 stp)

2. semester (V): JAP010 Japansk språk 1 (NHH) (7,5 stp)JAP013 Japansk: Kultur og samfunn (NHH) (7,5 stp)SPIK101 Språk og kommunikasjon (NHH) (15 stp)

3. semester (H): JAP111 Japansk språk 2 (15 stp)JAP112 Japansk språk 3 (15 stp)

4. semester (V):JAP211 Japansk språk 4 (15 stp)JAP251 Japan: Kultur og samfunn med bacheloroppgåve (15 stp)

5. semester (H):Frie studiepoeng eller delstudium i utland (30 stp)

6. semester (V):Frie studiepoeng eller delstudium i utland (30 stp)

Studentar kan sjølv velja om dei vil følgja det tilrådde løpet eller om dei vil byta om på rekkjefølgja av spesialisering og frie studiepoeng. Ein må då vera merksam på at japanskemna har faste undervisningssemester. Det er uansett tilrådd at ein fullfører 100-nivå i japansk før ein tek fatt på 200-nivå.

Krav til progresjon i studiet

For ein fulltidsstudent er normal studieprogresjon 30 studiepoeng kvart semester.

Delstudium i utlandet

Det blir sterkt tilrådd at studentane i løpet av studiet har eit opphald i Japan. Me kan gi tilbod om eit studieopphald på eit japansk universitet, helst etter det tredje semesteret i japansk spesialisering. Søkjarar til studieopphald i Japan vil bli valde ut på bakgrunn av faglege kvalifikasjonar. Me gjer merksam på at det japanske studieåret byrjar 1. april. Kontakt studierettleiar eller faglærar for nærare informasjon.

Undervisningsmetodar

Programmet omfattar ulike undervisningsformer, til dømes førelesingar, seminar/gruppeundervisning, lydlab/videoframsyning. Sjå emneplanen for det einskilte emnet.

Vurderingsformer

Gjennom programmet blir studentane prøvde på ulike måtar, til dømes skoleeksamen, semesteroppgåve og munnleg prøve. I tillegg skriv dei ei bacheloroppgåve. Sjå emneplanen for det einskilte emnet.

Karakterskala

Ved sensur av emna i programmetkan det blinytta ein av to karakterskalaer:

1) A-F, der F er stryk

2) Greidd/ikkje greidd

Sjå emneplanen for det einskilde emnet.

Yrkesvegar

Blant yrkesgrupper der kompetanse i japansk og kjennskap til Japan er nyttig, kan nemnast næringsliv (til dømes turistnæringa, fiskeeksport) og internasjonalt retta organisasjonar, og elles undervisning, forsking, presse og media. Kandidatar med japansk er òg å finna i utanrikstenesta, eller dei er sysselsette med bibliotekarbeid eller omsetjingsoppgåver.

For å kunna bruka japansk aktivt i jobbsamanheng er lengre opphald i Japan undervegs i eller etter studiet naudsynt.

Evaluering

Undervisninga blir evaluert i tråd med UiB sitt kvalitetssikringssystem.

Søknadsprosedyre

For søkjarar med generell studiekompetanse er søknadsfristen 15. april.

For spesielle søkjargrupper og for søkjarar med realkompetanse er fristen 1. mars.

Du søker gjennom Samordna opptak (SO). Du finn søknadsskjema og meir informasjon på nettet: www.samordnaopptak.no

Søk opptak til Universitetet i Bergen og til bachelorprogrammet i japansk.

Opptakskrav

Generell studiekompetanse eller realkompetanse.

Poenggrense ved siste opptak

Ordinær: 41,6Førstegangsvitnemål: Alle

Antall studieplasser

25

Overgangsordninger

Du har høve til å byte studieprogram haust og vår. Informasjon om kva for program som er opne for intern overgang og korleis du søkjer, finn du på uib.no/utdanning.

Meir informasjon

Ønskjer du å vite meir, ta kontakt med studierettleiar:

studierettleiar@hf.uib.no

55 58 93 70

Læringsutbyte/resultat

Dugleik etter eit års studium

• kunna skriva og lesa stavingsalfabeta og rundt 240 skriftteikn.
• ha tileigna seg basisvokabular og basisgrammatikk.
• halda enkle samtaler om avgrensa tema i roleg tempo.
• skriva enkle stilar ved hjelp av ordbok.
• kunna omsetja enkle tekstar frå japansk til norsk.
• kunna greia nivå N5 i Japanese Language Proficiency Test utan problem.

Kunnskapar etter eit års studium

• ha grunnleggjande kunnskap om japansk samfunn og historie, samt innsikt i teoriar og metode innan fagfeltet interkulturell kommunikasjon.
• ha meta-kunnskap om det japanske språket si fonologiske, morfologiske og syntaktiske struktur, samt grunnleggjande kunnskapar om språktypologiske trekk.

Dugleik etter to års studium

• kunna lesa nærmare 700 skriftteikn og skriva over 400.
• ha tileigna seg vokabular og grammatiske former på mellomnivå.
• kunna delta i samtaler om kjente tema i normalt tempo og på vanleg høflegheitsnivå.
• kunna lesa, omsetja og gjengi innhaldet i tekstar av ulike sjangrar og om ulike tema ved hjelp av ordbok.
• kunna orientera seg på japanskspråklege internettsider og henta ut nødvendig informasjon derifrå.
• kunna greia N3 i Japanese Language Proficiency Test utan problem.
• kunna lesa Japan-relaterte engelskspråklege tekstar med kritisk og kunnskapsbasert blikk, samt sjølv leita fram seriøs kjeldelitteratur og produsera akademisk tekst om ein formulert Japan-relatert problemstilling.

Kunnskapar etter to års studium

- ha spesialisert kunnskap om eit avgrensa Japan-relatert felt

- ha kunnskapar om språkleg manifestert høflegheit,

dialektskilnader og sjangertypar, samt kjennskap til ordspråk.

Generell kompetanse etter to års studium

- Kunna forstå eigen kultur i lys av ein annan, og forstå andre kulturar ut frå sin eigen.
- Kunna presentera og diskutera problemstillingar, synspunkt og løysingar, både skriftleg og munnleg.
- Kunna lesa, skriva, snakka og forstå framandspråk på eit mellomnivå.

Oppbygging

Studiet skal innehalde inntil 30 studiepoeng med innføringsemne (ex.phil. og ex.fac.) og 90 studiepoeng med spesialisering i japansk. Du kan velje alle eller delar av dei siste 60 studiepoenga frå andre fag.

Tabellen er eit eksempel på korleis du kan leggje opp studiet ditt. Det vil også vere mogleg å velje ei anna rekkjefølgje på emna i programmet ¿ mellom anna ved å ta spesialiseringa seinare i studiet, eller ved å bruke eit semester til studieopphald i utlandet. Kanskje har du også høgare utdanning frå før som du vil søkje om å få innpassa i studiet ditt? Studierettleiaren for programmet ditt kan hjelpe deg med å setje opp ein plan.

Delar av undervisninga på japansk faget går føre seg i samarbeid med Norges handelshøyskole (NHH), Institutt for fagspråk og interkulturell kommunikasjon. Alle forelesningane i andre semester blir haldne ved NHH (Helleveien 30)

 Semester og emne

1. semester Examen philosophicum og Examen facultatum

2. semester Spesialisering i japansk

3. semester Spesialisering i japansk

4. semester Spesialisering i japansk

5. semester Valfrie emne eller japansk

6. semester Valfrie emne