Bachelorprogram i retorikk

Introduksjon

Kva er det som gjer at Barack Obama blir rekna for å vere ein spesielt god retorikar? Klarer du å overtyde? Har du tenkt på kvifor du lukkast eller mislukkast? Korleis påverkar menneska kvarandre med ord og bilete?

Retorikk er læra om korleis ein appellerer til sine medmenneske på ein overtydande måte. Anten du diskuterer med venner, held ein politisk tale, skriv ei omtale eller utviklar ein reklamekampanje, så praktiserer du retorikk. Heilt frå Aristoteles og sofistane til kommunikasjonsforskinga i våre dagar har mennesket prøvd å finne ut korleis vi påverkar kvarandre. Kvifor blir vi påverka og overtydde av enkelte personar, men ikkje av andre? Kva gjer ei form for retorikk formålstenleg eller overtydande og ei anna problematisk eller ineffektiv?

Studiet gir ei historisk og systematisk innføring i retorikken som generell kommunikasjons- og argumentasjonslære. Du får innsikt i utviklinga av det retoriske fagfeltet frå antikken fram til mediesamfunnet i dag, og kompetanse i retorisk analyse og evaluering av ulike tekstformer og sjangrar. I tillegg får du kompetanse i praktisk retorisk kommunikasjon og formidling.

Studievegar

Bachelor

I det treårige bachelorstudiet tar du ei spesialisering i retorikk og 60 frie studiepoeng. Du kan òg velje ei dobbel spesialisering i retorikk og i eitt av faga kunsthistorie, litteraturvitskap, medievitskap, nordisk, filosofi, gresk eller latin.

Master

Etter bachelorprogrammet i retorikk kan du søkje opptak til eit toårig masterprogram i retorikk ved eit anna universitet. UiB har i dag ikkje noko masterprogram i retorikk. Dersom du vel ei dobbel spesialisering, kan du ta ein toårig mastergrad i spesialisering 2 ved UiB.

Forsking

Retorikkforskinga ved UiB er mangfaldig. Forskarar undersøkjer retorisk argumentasjon, den norske politiske talen si historie, dei utforskar retorikken i samband med EU-integrasjonsprosessen, i samband med lov, rett og litteratur, og i reklame, kunsthistorie og visuell kommunikasjon.

Sjå også desse studia

Språkfag, språk og interkulturell kommunikasjon, medievitskap, lektorutdanning med master i nordisk, litteraturvitskap, historie, filosofi.

Visste du at ...

Martin Luther Kings tale «I have a dream» er kåra til alle tiders beste tale i USA.

Overgangsordninger

Du har høve til å byte studieprogram haust og vår. Informasjon om kva for program som er opne for intern overgang og korleis du søkjer, finn du på uib.no/utdanning.

Oppbygging

Studiet skal innehalde inntil 30 studiepoeng med innføringsemne. I tabellen kan du sjå eit eksempel på korleis studiet kan leggast opp. Spesialisering 2 viser til emner i eitt av desse faga: filosofi, gresk, latin, litteraturvitskap, kunsthistorie, medievitskap eller nordisk. Studierettleiaren for programmet kan hjelpe deg med å leggje opp studieløpet. Du finn den detaljerte studieplanen for programmet på uib.no/utdanning

Semester og emne

1. semester Examen philosophicum og Examen facultatum

2. semester Retorikk

3. semester Retorikk

4. semester Frie studiepoeng eller spesialisering 2

5. semester Frie studiepoeng eller spesialisering 2

6. semester Retorikk og bacheloroppgåve

Utveksling

Det finst i dag mange alternativ for deg som ønskjer å ta delar av utdanninga di i eit anna land. UiB har mange utvekslingsavtaler, både i og utanfor Europa. Når det gjeld bachelorprogrammet i retorikk, vel vi i tillegg ut særskilde samarbeidsuniversitet for å finne det fagtilbodet som passar best for deg. Dette kan for eksempel vere retorikkstudiet i København. På den måten får du tilbod om eit tilrettelagt utanlandsopphald som blir integrert i graden. Valet av utanlandsopphald bør planleggast i samråd med studierettleiaren.

Yrkesvegar

Bachelorprogrammet i retorikk gir både allmennkunnskapar som kan nyttast i ei rekkje yrkessamanhengar og spesialkunnskap i formidling og kommunikasjon. Studiet gir deg allmenn kompetanse i å analysere, evaluere og produsere formålstenleg kommunikasjon. Dette kan for eksempel vere kunnskap og kompetanse som er nyttig for deg som ønskjer å jobbe med informasjons- og kommunikasjonsarbeid, undervisning, reklame, journalistikk og ei rekkje former for skribent- og tekstarbeid. Ved påbygging til mastergrad får du kvalifikasjonar for vidare studium og for forsking, formidling og undervisning på høgare nivå.

Søknadsprosedyre

For søkjarar med generell studiekompetanse er søknadsfristen 15. april.

For spesielle søkjargrupper og for søkjarar med realkompetanse er fristen 1. mars.

Du søkjer gjennom Samordna opptak (SO).

Du finn søknadsskjema og meir informasjon på nettet:

www.samordnaopptak.no

Søk opptak til Universitetet i Bergen og til bachelorprogrammet i retorikk.

Opptakskrav

Generell studiekompetanse eller realkompetanse.

Poenggrense ved siste opptak

Ordinær: 43,0

Førstegangsvitnemål: 39,2

Antall studieplasser

23

Meir informasjon

Ønskjer du å vite meir, ta kontakt med studierettleiar:

studierettleiar@hf.uib.no

55 58 93 70

Mål og innhald

Retorikk er læra om føremålstenleg kommunikasjon. Det er læra om korleis ein appellerer overtydande til sine medmenneske. Anten du diskuterer med vener, held ein politisk tale, skriv ein omtale eller utviklar ein reklamekampanje, så utøver du retorikk. Heilt frå Aristoteles og sofistane til kommunikasjonsforsking i våre dagar, har mennesket prøvd å greie ut korleis vi påverkar kvarandre. Kvifor vert vi påverka og overtydd av somme, men ikkje av andre? Kva gjer ei form for retorikk føremålstenleg eller overtydande og ei anna problematisk eller ineffektiv?

Studieprogrammet gir ei historisk og systematisk innføring i retorikken som generell kommunikasjons- og argumentasjonslære. Vi ser på retorikken i forhold til kulturelle, historiske og situasjonelle tilhøve, og drøftar retorikkens forhold til sjangrar, medium og formidlingsmåtar. Vi går òg tett på retorikk som argumentasjon, estetikk og etikk. Som kommunikasjonslære har retorikken vakse ut av praksis. Ein har observert kvifor somme lukkast og andre feilar. Derifrå har ein laga teoretiske retningslinjer for den gode og den effektive kommunikasjonen. Denne forbrødringa mellom teori og praksis vidarefører retorikkprogrammet ved også å la deg jobbe med praktiske kommunikasjonsoppgåver der du får øvd opp din eigen formidlingskompetanse.

Formålet med studieprogrammet i retorikk er:

- å gi deg innsikt i utviklinga av det retoriske fagfeltet frå antikken fram til mediesamfunnet i dag

- å gi deg innsikt i sentrale teoriar på feltet frå dei klassiske innføringane i kunsten å tale til aktuelle nyretoriske framstillingar, samt retorikken i vår tids media.

- å gi deg kompetanse i retorisk analyse og evaluering av ulike tekstformer og sjangrar.

- å gi deg kompetanse i praktisk retorisk kommunikasjon og formidling.

Krav til forkunnskaper

Generell studiekompetanse.

Fageining og spesialisering

Bachelorprogrammet i retorikk er 3-årig (180 studiepoeng). Du kan velje mellom spesialisering i faga gresk, latin, kunsthistorie, litteraturvitskap, medievitskap eller nordisk.

Programmet skal innehalde inntil 30 studiepoeng med innføringsemne (exphil og exfac), og 90 studiepoeng med spesialisering innanfor eitt av programfaga. Dei siste 60 studiepoenga må vere frå programemna (enkeltemne i retorikk), men eit av desse emna kan òg erstattast av 15 frie studiepoeng (gjeld ikkje RET101).

Krav til spesialisering og retorikkemne:

1) Spesialisering i gresk:

GRE101, GRE102, GRE103, GRE104 og to av emna GRE201/202/203/204. Obligatoriske retorikkemne: RET101 og RET102. I tillegg må ein velje minst eitt av emna RET203, RET204, RET205, RET206 og RET207.

2) Spesialisering i latin:

LAT101, LAT102, LAT103, LAT104 og to av emna LAT201/202/203/204. Obligatoriske retorikkemne: RET101 og RET102. I tillegg må ein velje minst eitt av emna RET203, RET204, RET205, RET206 og RET207.

3) Spesialisering i kunsthistorie:

KUN101, KUN102, KUN103, KUN104 og anten eitt av teoriemna FIL201/KVIK201/LITTEHF/MEVI213 eller eitt av fordjupingsemna KUN202/203/204/205. Obligatorisk retorikkemne som inngår som 200-emne spesialiseringa i kunsthistorie: RET204. Øvrige obligatoriske emne i retorikk: RET101 og minst to av emna RET102, RET203, RET205, RET206 og RET207.

4) Spesialisering i litteraturvitskap:

ALLV101, ALLV102, ALLV103, ALLV104 og anten eitt av dei teoretiske særemna ALLV201/LITTEHF eller eitt av dei litterære særemna ALLV202/KVIK202. Obligatorisk retorikkemne som inngår som 200-emne spesialiseringa i litteraturvitskap: RET206. Øvrige obligatoriske emne i retorikk: RET101 og minst to av emna RET102, RET203, RET204, RET205 og RET207.

5) Spesialisering i medievitskap:

MEVI101, MEVI102, MEVI103, MEVI104 og eitt av emna INFOMEVI201, MEVI211, MEVI212 og MEVI213. Obligatorisk retorikkemne som inngår som 200-emne spesialiseringa i medievitskap: anten RET203 eller RET207. Øvrige obligatoriske emne i retorikk: RET101 og minst to av emna RET102, RET204, RET205, RET206 og anten RET203 eller RET207.

6) Spesialisering i nordisk:

NOLI102, NOSP102, NOLI103, NOSP103 og eitt av emna NOLI209, NOSP209, ISL101, ISL102 og NOFI211. Obligatorisk retorikkemne som inngår som 200-emne i spesialiseringa i nordisk: RET205. Øvrige obligatoriske emne i retorikk: RET101 og minst to av emna RET102, RET203, RET204, RET206 og RET207.

Krav om rekkefølgje - emne

I det første semesteret må ein ta emna exphil (HF-varianten) og exfac (HF-varianten med Akademisk skriving og Tekst og kultur).

I det andre semesteret er emnet RET101 (Allmenn og praktisk retorikk) obligatorisk, uavhengig av kva for ei spesialisering ein har valt (unnatak for latin og gresk, sjå nedanfor).

I dei følgjande semestra vel du kvart semester eit retorikkemne i kombinasjon med eit emne frå spesialiseringsfaget ditt. I eitt av desse semestra kan du òg velje å ta 15 frie studiepoeng i staden for eit retorikkemne (sjå punktet om krav til spesialisering).

I haustsemesteret kan du velje mellom følgjande retorikkemne, alle 15 studiepoeng:

RET102 - Klassisk retorikk

RET203 - Medieretorikk (annankvar haust frå hausten 2005)

RET204 - Visuell retorikk frå antikken til 1900-talet

RET207 - Vår tids visuelle retorikk (annankvar haust frå hausten 2006)

I vårsemesteret kan du velje mellom følgjande retorikkemne:

RET205 - Nordisk retorikk

RET206 - Litteraturvitskapeleg retorikk

Det er mogleg å søkje om å få erstatta eit av retorikkemna med eit tematisk nærliggande emne frå eit anna fag.

NB: Studentar som vel spesialisering i gresk eller latin, byrjar med retorikkemna i fjerde semesteret.

Vurdering / Eksamensformer

Sjå studieplanane for det enkelte emnet.

Yrkesvegar

Bachelorprogrammet i retorikk gir både allmennkunnskapar som kan nyttast i ei rekkje yrkesmessige samanhengar og spesialkunnskap innan formidling og kommunikasjon. Studiet gir deg allmenn kompetanse i å analysere, evaluere og produsere føremålstenleg kommunikasjon, for eksempel kunnskap og kompetanse som er nyttig for deg som ønskjer å jobbe innan informasjons- og kommunikasjonsarbeid, undervisning, reklame, journalistikk og ei rekkje former for skribent- og tekstarbeid.

Ved påbygging til mastergrad får du kvalifikasjonar for vidare studium og for forsking, formidling og undervisning på høgare nivå.

Delstudium i utlandet

Delstudium i utlandet passar best i sjette semester. Det finst i dag fleire alternativ for deg som ønskjer å ta eit semester av utdanninga i eit anna land. Universitetet i Bergen har mange utvekslingsavtalar, både i og utanfor Europa. Når det gjeld bachelorprogrammet i retorikk, vel vi i tillegg ut særskilde samarbeidsuniversitet for å finne det fagtilbodet som passar best for deg, til dømes retorikkstudiet i København. På den måten får du tilbod om eit tilrettelagt utanlandsopphald som blir integrert i graden. Valet av utanlandsopphald blir teke i samråd med studierettleiar.

Oppstart

Kvar haust

Programansvarleg

Jens Kjeldsen, Institutt for informasjons- og medievitenskap.

Administrativt ansvarleg

Studierettleiar ved Institutt for lingvistiske, litterære og estetiske studium. E-post: studierettleiar@lle.uib.no