Bachelorprogram i teatervitskap

Introduksjon

Kunne du tenkje deg å arbeide med teater, film eller andre media? Er du interessert i samtidsteater eller teateret si historie? Synest du teoriar og refleksjonar omkring kunst og teater er spennande og viktig?

Teatervitskap knyt saman teoriar om kunst og praktisk teater. I forsking og undervisning undersøkjer vi korleis teateret bruker kunstnariske verkemiddel som skodespelarkunst, regi og scenografi og korleis teateret kommuniserer med publikum og samfunn. Teatervitskap er ikkje berre nyttig for å forstå teateret i seg sjølv, men òg litteratur, film og moderne fjernsynsproduksjon.

I teatervitskap fokuserer vi på utøvande teater i samtida. Derfor har vi også emne der studentane deltek i teaterproduksjon. Workshops med teaterutøvarar, ekskursjonar til utlandet og felles besøk på teaterførestillingar inngår i undervisninga.

Det teatervitskaplege fagmiljøet har god kontakt med teater- og kulturinstitusjonar i Bergen og resten av landet. Vi har dessutan nær kontakt med Studentteateret Immaturus der mange av studentane våre er engasjerte.

Studievegar

Bachelor

Studiet gir ei grunnleggande innføring i teateret si historie med fokus på mellom anna skodespelarkunst, dramaturgi, scenografi og teaterkritikk. I det siste semesteret er det mogleg å skrive ei prosjektoppgåve basert på praksisopphald hos scenekunstinstitusjonar, grupper eller andre teaterprosjekt.

Master

Etter bachelorprogrammet kan du ta eit toårig masterprogram i teatervitskap. Du kan spesialisere deg i ulike emne innan faget.

Forsking

Fagmiljøet i teatervitskap ved UiB har spisskompetanse innan ei rekkje teaterfaglege område, som for eksempel skodespelarkunsten si historie, nye tendensar i samtidsteateret, norsk teaterhistorie, analyse av teaterframsyningar og dramaturgi.

Sjå også desse studia

Litteraturvitskap, kunsthistorie, historie, kulturvitskap.

Visste du at ...

Henrik Ibsen arbeidde i seks år som sceneinstruktør ved teateret i Bergen.

Overgangsordninger

Du har høve til å byte studieprogram haust og vår. Informasjon om kva for program som er opne for intern overgang og korleis du søkjer, finn du på uib.no/utdanning.

Oppbygging

Studiet skal innehalde inntil 30 studiepoeng med innføringsemne (ex.phil. og ex.fac.) og 90 studiepoeng med spesialisering i teatervitskap. Du kan velje alle eller delar av dei siste 60 studiepoenga frå andre fag. Tabellen er eit eksempel på korleis du kan leggje opp studiet ditt. Det vil også vere mogleg å velje ei anna rekkjefølgje på emna i programmet - mellom anna ved å ta spesialiseringa seinare i studiet, eller ved å bruke eit semester til studieopphald i utlandet. Kanskje har du også høgare utdanning frå før som du vil søkje om å få innpassa i studiet ditt? Studierettleiaren for programmet ditt kan hjelpe deg med å sette opp ein plan. Sjå den detaljerte studieplanen for programmet på uib.no/utdanning

Semester og emne

1. semester Examen philosophicum og Examen facultatum

2. semester Spesialisering i teatervitskap

3. semester Spesialisering i teatervitskap

4. semester Spesialisering i teatervitskap

5. semester Valfrie emne

6. semester Valfrie emne

Utveksling

Som bachelorstudent i teatervitskap kan du studere eitt eller to semester i utlandet. UiB er eit internasjonalt universitet som har utvekslingsavtaler med universitet i heile verda. Teatervitskap har dessutan eigne Erasmus-avtaler med universiteta i Hildesheim, Giessen, Kaunas, Antwerpen og Århus.

Yrkesvegar

Ein bachelorgrad i teatervitskap gir allmennkunnskapar som kan nyttast i ei rekkje yrkessamanhengar og opnar særleg for jobbar innanfor teater- og kultursektoren og journalistisk verksemd. Studiet kan gi eit godt fagleg grunnlag for deg som ønskjer teater- eller filmrelatert arbeid.

Søknadsprosedyre

For søkjarar med generell studiekompetanse er søknadsfristen 15. april.

For spesielle søkjargrupper og for søkjarar med realkompetanse er fristen 1. mars.

Du søkjer gjennom Samordna opptak (SO).

Du finn søknadsskjema og meir informasjon på nettet:

www.samordnaopptak.no

Søk opptak til Universitetet i Bergen og til bachelorprogrammet i teatervitskap.

Opptakskrav

Generell studiekompetanse eller realkompetanse

Poenggrense ved siste opptak

Ordinær: 34,4

Førstegangsvitnemål: 32,6

Antall studieplasser

25

Meir informasjon

Ønskjer du å vite meir, ta kontakt med studierettleiar:

studierettleiar@hf.uib.no

55 58 93 70

Undervisningsspråk

Normalt norsk, med mindre anna er opplyst i emneplanen for det einskilde emnet i utdanninga.

Studiestart

Haust

Mål og innhald

Bachelorpgrogrammet i teatervitskap er 3-årig (180 studiepoeng). Programmet skal innehalde 30 studiepoeng med innføringsemne (Ex.phil. og Ex.fac.), 90 studiepoeng med spesialisering i teatervitskap og valemne tilsvarande 60 studiepoeng.

Teatervitskap er studiet av scenekunst og scenekunsten sine føresetnader og uttrykksformer i skiftande tidsepokar frå antikken og fram til vår eiga tid. Studiet set fokus på teateret sine ulike element og korleis desse blir sett saman til den ferdige produksjonen som blir presentert for eit publikum. Kunnskap om teaterhistorie og innsikt i teaterproduksjon gir studentane ei auka forståing for teater som eit kunstnarleg uttrykk. Samanhengen som teaterframsyninga er ein del av er også viktig for forståinga, og teaterframsyninga blir kontekstualisert i høve til den kulturen og historia ho er ein del av. Det historiske, dramaturgiske og estetiske studiet av teateret dannar eit grunnlag som skal setje studentane i stand til å forstå og analysere teater frå deira eiga samtid. Teoretisk og metodisk tar studiet utgangspunkt i emne innan fagdidaktikk, teaterhistorie, dramaturgi, regi og skodespelarkunst, i tillegg til den konteksten teateret er ein del av.

Læringsutbyte/resultat

Med fullført bachelorgrad i teatervitskap skal studenten ha fått ei djupare heilskapleg forståing av teateret som kunstnarleg uttrykk. Ho skal ha oppøvd eit kritisk blikk på teaterframsyningar og dei enkelte delane som teaterframsyninga består av. Gjennom det historiske studiet av teateret skal studenten også ha fått forståing for teateret sin plass i samfunnet som sosialt og kunstnarleg medium.

Kandidaten skal kunne nytte sin kombinasjon av fag i spesialiseringa og i dei valfrie emna i vidare utdanning eller yrkesplanar.

Opptakskrav

Generell studiekompetanse eller realkompetanse.

Innføringsemne

Bachelorprogrammet i teatervitskap skal innehalde 30 studiepoeng innføringsemne (førstesemesterstudiet):

• EXPHIL Examen philosophicum
• EXFAC00AK Akademisk skriving
• EXFAC00SK Språk og kommunikasjon eller
• EXFAC00TK Tekst og kultur

Tekst og kultur er tilrådd.

Bachelorgraden kan ikkje innehalde meir enn 30 stp innføringsemne.

Obligatoriske emne / spesialisering

Bachelorprogrammet skal innehalde ei fagleg spesialisering i teatervitskap på 90 studiepoeng.

Følgjande emne er obligatoriske i spesialiseringa i teatervitskap:
TEAT111: Eldre teaterhistorie (15 stp)

TEAT112: Moderne teaterhistorie og analyse av teaterframsyningar (15 stp)

TEAT113: Dramaturgi og regi (15 stp)

TEAT114: Skodespelarkunst, scenografi og teaterkritikk (15 stp)

TEAT211: Teaterestetikk og teaterteori (15 stp)

I tillegg må ein velje eitt av desse emna:

TEAT252: Teoribasert prosjektoppgåve i teatervitskap med bacheloroppgåve (15 stp)

TEAT253: Praksisbasert prosjektoppgåve med bacheloroppgåve (15 stp)

I emna TEAT252 og TEAT253 skriv ein ei rettleia oppgåve (bacheloroppgåve).

Dette tilfredsstiller gradskravet om eit sjølvstendig skriftleg arbeid på 15 studiepoeng, jfr. Utfyllande reglar for Det humanistiske fakultet.

Tilrådde valemne

Studenten kan, i tillegg til spesialiseringa i teatervitskap, velje emne innanfor skulefag, språkfag, historie- og kulturfag, estetiske fag eller andre fag som er relevante for studenten si vidare utdanning eller yrkesplanar.

Rekkefølje for emne i studiet

Studieløpet i bachelorprogrammet i teatervitskap kan til dømes sjå slik ut:

1. semester (haust):

Førstesemesterstudiet Ex.phil. og Ex.fac. (30 stp)

2. semester (vår):

TEAT112: Moderne teaterhistorie og analyse av teaterframsyningar (15 stp)

TEAT113: Dramaturgi og regi (15 stp)

3. semester (haust):

TEAT111: Eldre teaterhistorie (15 stp)

TEAT114: Skodespelarkunst, scenografi og teaterkritikk (15 stp)

4. semester (vår):

Valemne (30 stp)

5. semester (haust):

Valemne (30 stp)

6. semester (vår)

TEAT211: Teaterestetikk og teaterteori (15 stp)

og eitt av desse emna:
TEAT252: Teoribasert prosjektoppgåve i teatervitskap med bacheloroppgåve (15 stp)

TEAT253: Praksisbasert prosjektoppgåve med bacheloroppgåve (15 stp)

Ei generelle tilråding som ligg til grunn for dømet over er at før ein tar fatt på 200-nivået bør ein ha fullført 60 studiepoeng på 100-nivå.

Krav til progresjon i studiet

For ein fulltidsstudent er normal studieprogresjon 30 studiepoeng kvart semester

Studiestader

Bergen

Delstudium i utlandet

Studentane kan ta delar av bachelorprogrammet som utvekslingsstudent i eit anna land. Dei kan velje blant Universitetet i Bergen sine avtaler i heile verda, anten for å ta delar av spesialiseringa i teatervitskap eller for å ta valemne i graden. Emna må godkjennast av Det humanistiske fakultet i forkant av utanlandsopphaldet.

Undervisningsmetodar

Bachelorprogrammet omfattar ulike undervisningsformer; til dømes forelesing, seminar, gruppeundervisning og individuell rettleiing.

For meir detaljert informasjon, sjå emneplanen for det einskilde emnet.

Vurderingsformer

Gjennom programmet vert studentane prøvd på ulike måtar, eksempelvis ved mappevurdering, skoleeksamen, rettleidd oppgåve og munnleg prøve.

For meir detaljert informasjon, sjå emneplanen for det einskilde emnet

Karakterskala

Ved sensurkan det blinytta ein av to karakterskalaer:

1) Karakterskala A-F

2) Bestått/ikkje bestått

For meir detaljert informasjon, sjå emneplanen for det einskilde emnet.

Kompetanse for vidare studium

Bachelorgraden i teatervitskap gir grunnlag for å søkje opptak til masterprogrammet i teatervitskap.

Yrkesvegar

Teatervitarar har kompetanse som kan nyttast i ei rekkje ulike jobbar. Faget kan til dømes nyttast i pedagogisk verksemd. Andre aktuelle arbeidsområde er innan journalistikk og teater-, kunst- og kulturadministrasjon.

Evaluering

Evaluering av programmet blir gjennomført i tråd med Universitetet i Bergen sitt kvalitetssikringssystem.

Administrativ ansvarleg

Institutt for lingvistiske, litterære og estetiske studium

E-post: studierettleiar@lle.uib.no

Læringsutbyte/resultat

Med fullført bachelorgrad i teatervitskap skal studenten ha fått ei djupare heilskapleg forståing av teateret som kunstnarleg uttrykk. Ho skal ha oppøvd eit kritisk blikk på teaterframsyningar og dei enkelte delane som teaterframsyninga består av. Gjennom det historiske studiet av teateret skal studenten også ha fått forståing for teateret sin plass i samfunnet som sosialt og kunstnarleg medium.

Kandidaten skal kunne nytte sin kombinasjon av fag i spesialiseringa og i dei valfrie emna i vidare utdanning eller yrkesplanar.