Bachelorprogram i infomatikk: datavitskap

Fakta om studiet

StudiekodeBAMN-DVIT
Studiepoeng180
Varigheit3 år
Studieplassar10
GradBachelor i naturvitskap
UndervisingsspråkNorsk
StudiestartHaust
RessursarStudieplan
TilhørerInstitutt for informatikk

Kontakt

Meir informasjon

Ønsker du å vite meir, ta kontakt med studierettleiar:

studierettleiar@mnfa.uib.no

55 58 30 30

Introduksjon

Introduksjon

Korleis kan ein datamaskin ta dei intelligente avgjerdene som krevst for å spele sjakk? Planlegge reiseruter slik at du kjem fram i tide med bussen? Anbefale deg filmar, musikk og til og med venner? Legge filter på bilde du har tatt?

Desse er berre nokre eksempel på område der du vil vere i stand til å utvikle programvarer og appar etter kort tid på datavitskapsstudiet. På studiet får du den fundamentale kunnskapen som trengst for å uvikle IT­løysingar for morgondagen. Denne kunnskapen er varig utover dei teknologiske plattformene som finst i dag.

Studiet legg vekt på grunnleggande teoretiske kunnskapar, og du blir trent i matematisk og logisk tankegang og problemløysing. Utvikling av avanserte IT-system krev presis formulering og modellering av problemstillingar, identifisering av problemkjernen og kvar utfordringane ligg, og evna til problemløysing før sjølve programmeringa kan ta til. Gjennom datavitskapsstudiet tileignar du deg desse evnene, som også kan brukast på mange andre område. Derfor er informatikarar ettertrakta i eit breitt spekter stillingar innanfor arbeidslivet.

Visste du at ...

Den første bugen i en datamaskin var en død møll som satt fast i en Havard Mark II- maskin i 1947.

Studievegar

Studievegar

  • Bachelor

I det treårige studiet inngår emne som for eksempel datanett, lineær algebra, statistikk og algoritmar, datastrukturar og programmering.

  • Master

Etter bachelorprogrammet kan du ta eit toårig masterprogram i informatikk.

  • Forsking

Forskingsaktiviteten i fagmiljøet er delt opp i seks grupper: algoritmeteori, bioinformatikk, optimering, programutviklingsteori, sikker kommunikasjon og visualisering.

  • Sjå også desse studia

Datateknologi, informatikk-matematikk-økonomi, informasjonsvitskap, informasjons- og kommunikasjonsvitskap, kognitiv vitskap.

Utveksling

Utveksling

Vi har i dag avtalar med blant anna Vienna University of Technology (Austerrike), Third University of Rome (Italia) og Charles University, Praha (Tsjekkia). Universitetet i Bergen har dessutan mange andre utvekslingsavtalar.

Kva kan du bli

Yrkesvegar

Du kan bli gründer, prosjektleiar, programmerar, systemarkitekt, forskar, lærar og mykje meir! Du blir kvalifisert til spennande og varierte jobbar innanfor IT-bransjen, ikkje berre i IT-bedrifter. Informatikarar er etterspurde også i finans- og bankvesen, oljeindustrien, forsikring og konsulentverksemd.

Med bachelorgrad i datavitskap har du kompetanse til å utføre eit vidt spekter av arbeidsoppgåver og grunnlag for undervisningskompetanse i informatikk for skuleverket. Gjennom heile studiet blir du trent til problemløysing på ulike område, som vil kome godt med uansett kva du vel å jobbe med.

Når du har fullført dette studieprogrammet, får du graden bachelor i naturvitskap.

Opptak

Søknadsprosedyre

For søkarar med generell studiekompetanse er
søknadsfristen 15. april.

For spesielle søkargrupper og for søkarar
med realkompetanse er fristen 1. mars.

Du søker gjennom Samordna opptak (SO). Du finn søknadsskjema og meir informasjon på: http://www.uib.no/utdanning/opptak/samordna-opptak

Søk opptak til Universitetet i Bergen og til
bachelorprogrammet i datavitskap. Studiekode i Samordna opptak: 184300.

Opptakskrav

Generell studiekompetanse og REALFA: Matematikk R1 (eller matematikk S1 og S2) og enten Matematikk R2 eller Fysikk 1 og 2 eller Kjemi 1 og 2 eller Biologi 1 og 2 eller Informasjonsteknologi 1 og 2 eller Geofag 1 og 2 eller Teknologi og forskningslære 1 og 2.

Tilrådde forkunnskapar

Bachelorprogrammet i datavitskap bygger på matematikk R1+R2 og gode matematikkunnskapar er derfor anbefalt.

Poenggrense ved siste opptak

42,6 / 40,8

Overgangsordninger

Du kan byte studieprogram både haust og vår. På nettsidene våre finn du meir informasjon om kva program som er opne for intern overgang og korleis du søker.

Læringsutbyte

Læringsutbyte

Etter fullført bachelorgrad i datavitskap skal kandidaten kunne:

Kunnskapar:

Ha brei kunnskap om både informatikk og matematisk metodar som brukast for å utvikle avanserte datasystem.

Ha god kjennskap til og erfaring med verkty og teknikkar som nyttast i moderne systemutvikling.

Ferdigheitar:

Formulere og løyse problemstillingar på ein logisk presis måte innan alle områder som er dekt av informatikkfaget, som algoritmar, sikkerheit, programmering og nettverk.

Analysere og fornye eksisterande programvare.

Generell kompetanse:

Ha eit kritisk og analytisk blikk på eiget og andre sitt arbeid.

På eigenhand kunne utvide sitt kunnskapfelt.

Kunne arbeide både sjølvstendig og i grupper med andre.

Kunne vurdere juridiske og etiske sider ved arbeidet.

Oppbygging

Oppbygging

Krav til bachelorgraden i datavitskap er ei spesialisering på til saman 120 studiepoeng. I tillegg må 20 studiepoeng veljast blant valfrie informatikkemne, 10 studiepoeng veljast blant valfrie matematikkemne og 10 studiepoeng skal vere eit valemne frå ei av masterretningane.

Valemne gjev deg mogelegheita til sjølv å sette saman graden din fritt ut frå kva faglege interesser og karriereplanar du har.

Når du har fullført studieprogrammet ditt, skal du ha tileigna deg bestemte kunnskapar, ferdigheiter og generelle kompetansar. Desse er skildra i omtalen av studiet på nettet: uib.no/studieprogram/BAMN-DVIT

Studieløp

Bachelor i datavitenskap (krav 180 SP)
Valfritt
Utenlandsopphold, høst
Utenlandsopphold, vår
Innføringsemne (krav 20 SP)
Vel minst eitt av emna
EmnekodeEmnetittelSPSA
EXPHIL-MNEKSExamen philosophicum- skuleeksamen101–61
EXPHIL-MNSEMExamen philosophicum - seminarmodell101–61
Vel minst eitt av emna
EmnekodeEmnetittelSPSA
MAT111Grunnkurs i matematikk I101–61
MAT101Brukarkurs i matematikk I101–61
Spesialisering i datavitenskap (krav 100 SP)
Obligatorisk emne
EmnekodeEmnetittelSPSA
INF100Grunnkurs i programmering (Programmering 1)101–61
INF101Vidaregåande programmering (Programmering 2)101–62
MAT121Lineær algebra101–62
MNF130Diskrete strukturar101–62
INF102Algoritmar, datastrukturar og programmering101–63
MAT221Diskret matematikk101–63
STAT110Grunnkurs i statistikk101–63
INF142Datanett101–64
MAT220Algebra101–64
INF121Programmeringsparadigmer101–66
Informatikkval (krav 30 SP)
Du vel 30 SP blant informatikkemner, som skal inngå i spesialiseringa. NB! INF109 Dataprogrammering for naturvitskap blir ikkje godkjent som ein del av spesialiseringa i bachelorgraden.
Matematikkval (krav 10 SP)
Du vel sjølv eit matematikkemne (10 SP), som skal inngå i spesialiseringa.
Valfritt emne (krav 20 SP)
Valemner på Høgskolen i Bergen
Valfritt
Avansert programvareteknologi (HiB)
Moderne systemutviklingsmetoder (HiB)
Agentteknologier (HiB)
Utvalgte emner i programvareutvikling (HiB)
Modell-basert programvareutvikling (HiB)
SP = Studiepoeng, S = Semester, A = Anbefalt semester

Utvalgt vitnesbyrd: